16:49, 17 - مامىر 2019 | GMT +6
اۋەجايعا تاستاپ كەتكەن بالا 33 جىلدان كەيىن اناسىن تاپقان
نۇر-سۇلتان. قازاقپارات - ۇلى بريتانيا تۇرعىنى ستيۆەن حايدتى 33 جىل بۇرىن اناسى لوندونداعى گاتۆيك اۋەجايىنىڭ اجەتحاناسىنا تاستاپ كەتكەن.
10 كۇندىك ءسابيدى ەدەن جۋۋشى تاۋىپ العان. ول كەزدە بالانىڭ اتا-اناسىن تابۋ مۇمكىن بولماعان. بالانىڭ ۇستىندەگى كيىمى مەن ءبىر ورامال عانا قالدىرعان. بالانى كەيىن باسقا ءبىر وتباسى اسىراپ الىپ، ستيۆەن حايد دەگەن ەسىم بەرگەن.
18 جاسقا تولعاننان كەيىن ستيۆەن بيولوگيالىق اكە-شەشەسىن ىزدەۋگە شەشىم قابىلداعان. وسىلايشا ول ءوز اكە-شەشەسىن 15 جىل ىزدەگەن. سوڭىندا تاپقان. ءبىراق اناسى قايتىس بولىپ كەتكەن. ال اكەسى بار ەكەن. جانە اكە-شەشەسىنەن تۋعان باسقا باۋىرلارىن دا تاپقان.
دەرەككوز: سەگودنيا