اتاۋلى جالاقى 338 مىڭ تەڭگەنى قۇرايدى - ۇلتتىق ستاتيستيكا

استانا. قازاقپارات - قازاقستاندا 2022-جىلدىڭ ءتورتىنشى توقسانىندا اتاۋلى جالاقىنىڭ ورتاشا ءمانى 338715 تەڭگەنى قۇرادى.

بۇل تۋرالى ۇلتتىق ستاتيستيكا بيۋروسىنان ءمالىم ەتتى، دەپ حابارلايدى قازاقپارات.

«2021-جىلدىڭ ءتورتىنشى توقسانىمەن سالىستىرعاندا ءوسىم 22,9 پايىز، ناقتى ماندە 2,8 پايىز قۇرادى. جالاقىنىڭ مەديانالىق ءمانى (جالاقى قاتارىنىڭ ورتالىق دەڭگەيى) 2022-جىلعى ءتورتىنشى توقساندا باعالاۋ بويىنشا 204168 تەڭگە بولدى»، - دەلىنگەن ۆەدومستۆو مالىمەتىندە.

ءبىر جىلدا ورتاشا ايلىق جالاقى قۇرىلىس سالاسىندا - 42 پايىز، تۇرۋ جانە تاماقتانۋ بويىنشا قىزمەت كورسەتۋدە - 32,6 پايىز، اقپارات جانە بايلانىستا 31,9 پايىز ءوستى. ال ءتۇرلى قىزمەت كورسەتۋ سالاسىندا كەرىسىنشە، 2,4 پايىز تومەندەگەن.