+7 (701) 759 90 19
-11 °С : نۇر-سۇلتان
-3 °С : الماتى
USD 386.19 EUR 427.71
RUB 6.07 CNY 54.87
جاڭالىقتار

پوليتسيادا  3387 مال ۇرىسى تىركەۋدە تۇر - مينيسترلىك

15 قاراشا 16:05
:ءبولىسۋ
پوليتسيادا  3387 مال ۇرىسى تىركەۋدە تۇر - مينيسترلىك

نۇر- سۇلتان. قازاقپارات - سوڭعى بەس جىلدا ەلىمىز بويىنشا مال ۇرلىعىنىڭ فاكتىسى 8 مىڭنان 3,7 مىڭعا دەيىن تومەندەدى. بۇل تۋرالى ق ر ءى ءى م كريمينالدىق پوليتسيا دەپارتامەنتى باسشىسىنىڭ ورىنباسارى ساعات مادييەۆ ءمالىم ەتتى، دەپ حابارلايدى قازاقپارات ءتىلشىسى.

«كريمينوگەندىك جاعدايعا جاسالعان تالداۋ كورسەتكەندەي، سوڭعى بەس جىلدا رەسپۋبليكا بويىنشا مال ۇرلىعىنىڭ فاكتىسى 8 مىڭنان 3,7 مىڭعا دەيىن نەمەسە 60 پايىزعا تومەندەگەنى بايقالادى. جالپى ۇرلىق قىلمىستارى ىشىندە مال ۇرلىعىنىڭ ۇلەسى 3,5 پايىز شاماسىندا»، - دەدى س. ماديەۆ.

تاراتىلعان مالىمەتتەرگە قاراعاندا، 2015 -جىلى 19535 مال باسى، 2016 -جىلى - 25432، 2017 -جىلى - 20059، 2018 -جىلى - 15400، ال 2019 -جىلى 10942 مال باسى ۇرلانعان.

ونىڭ سوزىنە قاراعاندا، ۇرلانعان 91 مىڭ باس مالدان 42,5 مىڭى يەسىنە قايتارىلدى.

«جالپى، قابىلدانعان شارالاردىڭ ارقاسىندا سوڭعى 5 جىلدا مال ۇرلىعى ءۇشىن 11 مىڭ قىلمىسكەر ۇستالدى»، - دەپ ناقتىلادى ساعات ماديەۆ.

ونىڭ ايتۋىنشا، كوپ جاعدايدا قىلمىسكەرلەر قايتالاپ ۇرلىق جاسايدى. اعىمداعى جىلى مال ۇرلىعى ءۇشىن ۇستالعان 1696 ادامنىڭ 678- ءى بۇرىن وسىنداي قىلمىس جاساعان. قازىرگى ۋاقىتتا 3387 مال ۇرىسى پوليتسيانىڭ جەدەل ەسەبىندە تۇر.

بيىل قازاقستاندا مال ۇرلىعىمەن اينالىسقان ەكى ۇيىمداسقان قىلمىستىق توپ ۇستالدى. بۇل تۋرالى ق ر ءى ءى م كريمينالدىق پوليتسيا دەپارتامەنتى باستىعىنىڭ ورىنباسارى ساعات ماديەۆ ءمالىم ەتتى.

«بيىل ەكى ۇيىمداسقان قىلمىستىق توپ ۇستالدى. بىرەۋى تۇركىستان وبلىسىندا، ال ەكىنشىسى اقمولا وبلىسىندا. بۇل قىلمىسكەرلەر مالدى ۇرلايتىندار، سوياتىندار، تاسىمالدايتىندار، سونداي- اق ەتتى ساتاتىندار تىزبەگىنەن تۇرادى. قازىرگى ۋاقىتتا تەرگەۋ امالدارى ءجۇرىپ جاتىر، قىلمىستىق ءىس سوتقا جولدانادى. تەرگەۋ شارالارى بارىسىندا كەلتىرىلگەن شىعىن كولەمى انىقتالادى»، - دەدى س. ماديەۆ ىشكى ىستەر مينيسترلىگىندەگى باسپا ءسوز ءماسليحاتىندا.

ونىڭ سوزىنە قاراعاندا، ۇيىمداسقان قىلمىستىق توپ مال ۇرلىعىمەن اعىمداعى جىلى اينالىسقان.

«جالپى، بۇگىندە قازاقستاندا مال ۇرلىعىنا قاتىستى تۇراقتى قىلمىستىق توپتار جوق. ءتيىستى مالىمەتتەر الىنعاننان كەيىن، كۇدىكتىلەردى ۇستاۋ مەن تەرگەۋ امالدارىن جۇرگىزۋ شارالارى ۇيىمداستىرىلدى»، - دەدى.

ەسكە سالا كەتەيىك، پرەزيدەنت قاسىم- جومارت توقايەۆ مال ۇرلىعى مەن بويىنشا شۇعىل شارالار قابىلداۋدى تاپسىردى.

اۆتور: رۋسلان عابباسوۆ


باستى سوزدەر: زاڭ جانە قۇقىق ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات