الماتى وبلىسىندا جاپپاي ەرەۋىل كەزىندە 337 ادام جاراقات العان
ونىڭ ىشىندە 13 ادام - اسكەري قىزمەتكەر، دەپ حابارلايدى قازاقپارات ءتىلشىسى.
قازىرگى تاڭدا ءتۇرلى دەنە جاراقاتىن العان 109 ادام اۋرۋحانادا ەم قابىلداپ جاتىر. الماتى وبلىسى دەنساۋلىق ساقتاۋ باسقارماسىنىڭ باسشىسى ءومىرزاق نيازبەكوۆ دارىگەرلەرگە ميتينگكە قاتىسقاندار تاراپىنان شابۋىل جاسالماعانىن ايتتى.
«كوشەدەگى تارتىپسىزدىككە قاراماستان دارىگەرلەر مەن جەدەل جاردەم قىزمەتكەرلەرى شتاتتى رەجيمدە جۇمىس ىستەدى. دارىگەرلەرگە ميتينگكە شىققاندار شابۋىل جاساعان جوق. جاپپاي تارتىپسىزدىك كەزىندە وبلىستىق جەدەل جاردەم ستانتسياسىنىڭ ءبىر قىزمەتكەرى زارداپ شەكتى. جەدەل جاردەم كولىگىنە اتقان وقتىڭ سالدارىنان سىنعان اينەك جۇرگىزۋشىنى جاراقاتتاعان. قازىرگى تاڭدا كولىك جۇرگىزۋشىسىنىڭ جاعدايى تۇراقتى. امبۋلاتوريالىق ەم قابىلداپ جاتىر»، - دەدى باسقارما باسشىسى.
ميتينگكە قاتىسقاندار 5 جەدەل جاردەم كولىگىنە زاقىم كەلتىرگەن. وبلىستا تارتىپسىزدىك ورىن العان كەزدە جالپى سانى 206 جەدەل جاردەم كولىگى مەديتسينالىق قىزمەت كورسەتتى.