مىڭ تەڭگە پارا بەرگەنى ءۇشىن 336 مىڭ تەڭگە ايىپپۇل تولەدى
«2018 -جىلدىڭ مامىر ايىندا جەكە كاسىپكەر رەتىندە تىركەۋدە جوق ەكەندىگى تۋرالى انىقتاما الۋ ءۇشىن ا. ەسىمدى ازامات وتىنىشپەن قاراساي اۋدانى بويىنشا م ك ب- نا جۇگىندى. مەملەكەتتىك كىرىستەر ورگانىنىڭ قىزمەتكەرى ا. ەسىمدى ازاماتقا وسى انىقتامانى الۋ ءراسىمى تۋرالى كەڭەستەر بەرىپ، ءوزىنىڭ فۋنكتسيونالدىق مىندەتتەرىن جۇزەگە اسىرا وتىرىپ، اتالمىش انىقتامانى بەردى. الايدا، ا. ەسىمدى ازامات تاراپىنان ارانداتۋ سيپاتتاعى تالپىنىستار جۇزەگە اسىرىلدى. دالىرەك ايتقاندا، مەملەكەتتىك كىرىستەر قىزمەتكەرىن حاباردار ەتپەي 1000 تەڭگە مولشەرىندە اقشالاي قاراجات تاستاپ كەتۋگە نيەتتەندى» ، - دەپ ءمالىم ەتتى الماتى وبلىسى بويىنشا مەملەكەتتىك كىرىستەر دەپارتامەنتىنىڭ باسپا ءسوز قىزمەتى.
وسى جايتقا بايلانىستى مەملەكەتتىك كىرىستەر قىزمەتكەرى ا. ەسىمدى ازاماتقا ءتيىستى شارا قولدانۋ ءۇشىن ىشكى قاۋىپسىزدىك باسقارماسىنا جۇگىنگەن. ناتيجەسىندە، ا. ەسىمدى ازاماتقا قاتىستى ق ر ا ق ب ت ك- ءنىڭ 676-بابىندا قاراستىرىلعان اكىمشىلىك قۇقىق بۇزۋشىلىق بەلگىلەرى بويىنشا اكىمشىلىك ءوندىرىس (جەكە تۇلعانىڭ زاڭسىز ماتەريالدىق سىياقى ۇسىنۋى) قوزعالدى. قاراساي اۋداندىق ارناۋلى اكىمشىلىك سوتىنىڭ شەشىمىمەن مىڭ تەڭگە بەرمەك بولعان ادامعا 336700 تەڭگە ايىپپۇل سالىنعان.
وسىعان ۇقساس جاعداي الماتى وبلىسىنىڭ ىلە اۋدانى بويىنشا مەملەكەتتىك كىرىستەر باسقارماسىندا دا تىركەلىپ وتىر.
قازىر ءىس الماتى وبلىسىنىڭ قاراساي اۋداندىق ارناۋلى اكىمشىلىك سوتىنا بەرىلدى.