وڭتۇستىك كورەيادا ءبىر كۇندە 334 ادام كوروناۆيرۋس جۇقتىرعان
اگەنتتىكتىڭ مالىمەتىنشە، بەيسەنبى كۇنى ينفەكتسيا جۇقتىرعان جاعدايلار سانى كۇرت وسكەن: 334 جاڭا جاعدايعا جەتكەن. ال ەلدە ۆيرۋس جۇقتىرعانداردىڭ جالپى سانى 1595 ادامعا جەتتى.
بۇگىندە وڭتۇستىك كورەيادا تارالعان ۆيرۋستان كوز جۇمعاندار سانى ارتۋدا، 12 ادامعا جەتتى.
كوروناۆيرۋس جۇقتىرعان جاڭا جاعدايلاردىڭ جارتىسىنان كوبى ەلدىڭ وڭتۇستىك-شىعىسىنداعى تەگۋ قالاسىندا انىقتالدى. 334 جاڭا جاعدايدىڭ 307 ءسى سەۋلدەن وڭتۇستىك-شىعىسقا قاراي ورنالاسقان - تەگۋدە، تاعى تورتەۋى - كورشىلەس پروۆينتسيا سولتۇستىك كەنساندا تىركەلگەن.
كورەيانىڭ اۋرۋلاردى باقىلاۋ جانە الدىن الۋ ورتالىعىنىڭ (KCDC) مالىمەتىنشە، وڭتۇستىك كورەيانىڭ باسقا دا ءىرى پروۆينتسيالارى مەن قالالارىندا ۆيرۋس جۇقتىرعان بىرنەشە جاعداي بار. سەۋلدە تاعى التى جاعداي تىركەلگەن.
وڭتۇستىك كورەيا ساراپشىلارىنىڭ بولجامىنشا، جاقىن كۇندەرى ەلدە كوروناۆيرۋس جۇقتىرۋدىڭ راستالعان جاعدايلارىنىڭ سانى ءالى دە ارتادى.