قازاتوم ونەركاسىپتىڭ ا ق ش- تا بۇعاتتالعان 32 ميلليون دوللارى قايتارىلدى

استانا. قازاقپارات – ا ق ش- تىڭ قارجى مينيسترلىگى «قازاتوم ونەركاسىپتىڭ» اقشاسىن بۇعاتتان شىعاردى، دەپ حابارلايدى قازاقپارات ءتىلشىسى.

بۇل تۋرالى ۇلتتىق كومپانيانىڭ 2022 -جىلعى شوعىرلاندىرىلعان قارجى ەسەبىندە ايتىلعان.

«2023 -جىلدىڭ 13- قاڭتارىندا ا ق ش قارجى مينيسترلىگىنىڭ شەتەلدەگى اكتيۆتەردى باسقارۋ باسقارماسى (OFAC) بۇعاتتالعان قاراجاتتى قايتارىپ بەرۋ تۋرالى ليتسەنزيا بەردى. 2023 -جىلدىڭ 30 -قاڭتارىندا بانك- كوررەسپوندەنت 32,7 ميلليون دوللار كولەمىندە قاراجاتتى قايتاردى. ونىڭ ىشىندە ەسەپكە الىنعان پايىزدار ەسەبىنەن 0,4 ميلليون دوللار دا قايتارىلدى»، - دەپ جازىلعان ەسەپتە.

سونداي- اق 2022 -جىلى شىعارىلعان قىسقا مەرزىمدى كوممەرتسيالىق وبلگيتسايالار تولەنگەنى ايتىلعان.

«بۇل تولەمنىڭ جالپى سوماسى 50,180 ميلليون دوللار بولدى. ونىڭ ىشىندە 0.18 ميلليون دوللاردىڭ كۋپونى دا بار»، - دەلىنگەن ەسەپتە.

بۇعان دەيىن كەيبىر ب ا ق- تا كومپانيانىڭ قارجىسى سانكسيالىق تىزىمدەگى كومپانيالاردا جاتقاندىقتان بۇعاتتالعانى تۋرالى مالىمەت تاراعان.

اۆتور

ەسىمجان ناقتىباي