تارازدا جۇرگىزۋشى كۋالىگىن جاساپ بەرەم دەپ الداعان 32 جاستاعى جىگىت ۇستالدى

تاراز. قازاقپارات - تارازدا جۇرگىزۋشى كۋالىگىن جاساۋعا ۋادە بەرگەن ەر ادام ۇستالدى، دەپ حابارلايدى Polisia.kz.

تاراز قالاسىنىڭ پوليتسيا باسقارماسىنا وبلىس ورتالىعىنىڭ ەكى تۇرعىنى شاعىمدانىپ كەلگەن.

ولار بەيتانىس ەر ادامنىڭ سەنىمىنە كىرىپ، جۇرگىزۋشى كۋالىگىن دايىنداۋعا جاردەم كورسەتۋ سىلتاۋىمەن ولاردىڭ 425 مىڭ تەڭگە جانە 80 مىڭ تەڭگە كولەمىندەگى قاراجاتىن قالتاسىنا باسقانىن حابارلادى.

الايدا جابىرلەنۋشىلەرگە ۋادە ەتىلگەن قىزمەت كورسەتىلمەگەن، اقشا دا قايتارىلماعان.

وسى دەرەككە قاتىستى ق ر ق ك 190-بابى 3-بولىگى بويىنشا سوتقا دەيىنگى تەرگەۋ امالدارى باستالدى.

پوليتسيا قىزمەتكەرلەرىمەن جۇرگىزىلگەن جەدەل- ىزدەستىرۋ ءىس- شارالارىنىڭ بارىسىندا الماتى وبلىسىنىڭ 32 جاستاعى تۇرعىنى ۇستالدى.

تەرگەۋ بارىسىندا كۇدىكتىنىڭ تۇرعىندارعا تەوريالىق جانە تاجىريبەلىك ەمتيحاندارسىز جۇرگىزۋشى كۋالىگىن الۋدى ۇسىنعانى انىقتالدى.

ول قولحاتپەن بوساتىلدى.