شىعىس قازاقستاندا 32 جىلقى ۇرلاعان بارىمتاشى ۇستالدى
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، سەمەيدە پوليتسياعا ارىز تۇسىرگەن شارۋا قوجالىعىنىڭ يەسى ەركىن جايىلىمنان 15 باس جىلقىسىنىڭ جوعالعانىن جەتكىزدى.
وسىنىڭ سالدارىنان وعان 3 ميلليون تەڭگەدەن استام ماتەريالدىق زالال كەلتىرىلگەن. اتالعان فاكتى ق ر قىلمىستىق كودەكسىنىڭ 188-بابى 2-بولىگىنىڭ 1-تارماعى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە ەنگىزىلىپ، ءتارتىپ ساقشىلارى بىردەن جەدەل-ىزدەستىرۋ شارالارىنا كىرىستى.
جەدەل ۋاكىلدەر ۋچاسكەلىك ينسپەكتورلارمەن بىرگە جاقىن ماڭداعى بارلىق اۋماقتاردى ارالاپ، كۋاگەرلەردەن جاۋاپ الدى، مال تاسىمالدايتىن اۆتوكولىكتەردى جانە ەت پەن مال ساتاتىن ورىنداردى مۇقيات تەكسەرگەن.
«پوليتسيا قىزمەتكەرلەرى قىسقا مەرزىمدە مال ۇرلىعىنا قاتىستى كۇدىكتىنى ۇستادى. 47 جاستاعى جەرگىلىكتى تۇرعىن ءوز كىناسىن تولىقتاي مويىنداعان. تەرگەۋ بارىسىندا وتكەن جىلدىڭ اياعىنان باستاپ وسى ۋاقىتقا دەيىن ەر ادامنىڭ اتالعان شارۋا قوجالىعى اۋماعىنان 32 باس جىلقى ۇرلاعانى بەلگىلى بولدى»، - دەدى ش ق و پ د باستىعى ساعات ماديەۆ.
كۇدىكتى ۋاقىتشا ۇستاۋ يزولياتورىنا قامالدى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە. سونىمەن قاتار ۇرلانعان جىلقىلاردى ساتىپ العان ادام انىقتالدى.
52 جاستاعى قالا تۇرعىنى 12 باس جىلقىنى الىپ، ونىڭ 11 باسىن باسقاعا ساتىپ جىبەرگەن.