اسقار مامين: 32 مىڭنان اسا وتباسى جالعا بەرىلەتىن جانە كرەديتتىك پاتەرمەن قامتاماسىز ەتىلەدى
بۇل تۋرالى ۇكىمەت وتىرىسىندا «نۇرلى جەر» باعدارلاماسىنىڭ ىسكە اسىرىلۋىن تالقىلاۋ كەزىندە ق ر پرەمەر- ءمينيسترى اسقار مامين ءمالىم ەتتى، دەپ حابارلايدى قازاقپارات ءتىلشىسى.
«كرەديتتىك تۇرعىن ءۇي بويىنشا 9 ءوڭىر عانا وبليگاتسيا شىعارۋعا دايىن، ياعني الماتى، جامبىل، قوستاناي، قىزىلوردا، تۇركىستان، شىعىس قازاقستان وبلىستارى جانە نۇر- سۇلتان، شىمكەنت، الماتى قالالارى. ال قالعان وڭىرلەر بۇل باعىت بويىنشا جۇمىستى ۇيىمداستىرماعان»، - دەپ توقتالدى ا. مامين ۇكىمەت وتىرىسىندا.
ونىڭ سوزىنە قاراعاندا، جالعا بەرىلەتىن ۇيلەردىڭ قۇرىلىسىن قارجىلاندىرۋ ءتورت وڭىردەن باسقا بارلىق وبلىستاردا ۋاقىتىندا جۇرگىزىلۋدە. باتىس قازاقستان، جامبىل وبلىستارى مەن نۇر- سۇلتان، الماتى قالالارى بۇل راسىمدەردى كەيىنگە قالدىرىپ وتكىزبەگەن. وسى ورايدا ۇكىمەت باسشىسى اكىمدەرگە قۇرىلىستىڭ قارقىنىن جىلدامداتۋدى، جوسپارلانعان مەرزىمدەرگە سايكەس قۇرىلىستى اياقتاۋدى تاپسىردى.
بۇدان بولەك، ا. مامين «نۇرلى جەر» باعدارلاماسىنىڭ الەۋمەتتىك باعىتىنا توقتالدى.
«بيىل حالىقتىڭ الەۋمەتتىك جاعىنان وسال توپتارى، از قامتىلعاندار، جاستار جانە بيۋدجەتتىك ۇيىمدار قىزمەتكەرلەرى ساناتىنان 32 مىڭنان استام وتباسىنى جالعا برىلەتىن ءارى كرەديتتىك پاتەرمەن قامتاماسىز ەتۋ جوسپارلانعان. وسى رەتتە يندۋستريا جانە ينفراقۇرىلىمدىق دامۋ مينيسترلىگىنە اكىمدىكتەرمەن بىرلەسە وسى ساناتتاعى ادامدارعا تۇرعىن ءۇي قۇرىلىسىن تولىق كولەمدە قامتاماسىز ەتۋدى تاپسىرامىن»، - دەدى پرەمەر- مينيستر.
اۆتور: رۋسلان عابباسوۆ