قازاق تىلىنە دۋبلياجدالعان 32- گولليۆۋد فيلمى پروكاتقا شىقتى

None
None
نۇر- سۇلتان. قازاقپارات - «مالەفيسەنتا: تۇنەك ءامىرشىسى» فيلمىنىڭ قازاق تىلىندەگى نۇسقاسى كينوپروكاتقا شىقتى، دەپ حابارلايدى قازاقپارات ءتىلشىسى «Nur Otan» پارتياسىنىڭ باسپا ءسوز قىزمەتىنە سىلتەمە جاساپ.

فيلم «بولاشاق» كورپوراتيۆتىك قورى جانە «مەلومان» كومپانياسىنىڭ باستاماسىمەن، «Nur Otan» پارتياسىنىڭ قولداۋىمەن «وزىڭنەن باستا» جوباسى اياسىندا دۋبلياجدالعان. فيلم دۋبلياجىنىڭ دەمەۋشىسى - ەۋرازيالىق توپ (ERG) .

«1993 -جىلدان باستاپ ەلباسى جارلىعىمەن «بولاشاق» باعدارلاماسى جۇزەگە اسىپ كەلەدى. باعدارلامانىڭ ارقاسىندا قاراپايىم وتباسىنان شىققان كوپتەگەن جاسقا شەت ەلدەردەگى الدىڭعى قاتارلى وقۋ ورىندارىندا ءبىلىم الۋعا مۇمكىندىك جاسالدى. وسىنداي اعىلشىن، نەمىس، فرانسۋز جانە تاعى دا باسقا تىلدەردى مەڭگەرگەن جاستار حالقىڭا قىزمەت ەتەمىن دەسەڭ الدىمەن ءوز انا ءتىلىڭدى ءبىلىپ، ۇلتتىق سالت- ءداستۇر مەن مادەنيەتتى بويعا ءسىڭىرۋ كەرەك ەكەنىن جاقسى ءتۇسىندى. سوندىقتان دا «بولاشاقپەن» وقىعان ءبىر توپ جاستىڭ باستى ماقساتى - ەلگە ورالعان سوڭ ءارتۇرلى سالادا قولىمىزدان كەلگەنشە ەلگە قىزمەت ەتۋ بولدى. بۇل جوبا وسىنداي يگى ويدان تۋدى» ، - دەدى «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك ەلوردادا وتكەن فيلمنىڭ تانىستىرىلىمىندا.

گولليۆۋد فيلمدەرىن قازاق تىلىنە دۋبلياجداۋ - بۇل ءبىرىنشى كەزەكتە ءاربىر قازاقستاندىقتىڭ قازاق تىلىندەگى ساپالى كونتەنتكە قول جەتكىزۋ قۇقىعى. ال گولليۆۋدتىڭ تانىمال كينو تۋىندىلارى ەلىمىزدە 2011 -جىلدان باستاپ قازاقشا سويلەتىپ كەلە جاتقان «وزىڭنەن باستا» جوباسى كوممەرتسيالىق ماقساتتى كوزدەمەيدى.

ايتا كەتەيىك، فيلمدى دۋبلياجداۋعا جوبانىڭ دەمەۋشىسى بولىپ وتىرعان Eurasian Resources Group تىڭ قىزمەتكەرلەرى دە قاتىسقان.

«مالەفيسەنتا» ميستيكالىق بلوكباستەرىندە جوبا اياسىندا مالەفيسەنتانىڭ ءرولىن دىبىستاۋعا ايرىقشا قۇقىقتار الىنعان. ماسەلەن، اندجەلينا دجولي قازاقستاندىق تەاتر جانە كينو اكتريساسى گۇلناز اۋەسبايدى ءوزىنىڭ كەيىپكەرىن دىبىستاۋعا جەكە بەكىتتى. قازاق دۋبلياجىنىڭ رەجيسسەرى نازەركە لەسپەك قىزى. فيلم كاستينگىنە نۇر- سۇلتان، الماتى جانە قاراعاندى قالالارىنان 40 تان استام اكتەرلەر قاتىسقان.

2019 -جىلى قاراشا ايىندا تاعى ءبىر قازاق تىلىنە دۋبلياجدالعان «مۇزدى ولكە 2» فيلمىنىڭ تۇساۋكەسەرى كۇتىپ تۇر.

«وزىڭنەن باستا» جوباسىن اياسىندا قازاق تىلىنە بارلىعى 32 گولليۆۋدتىق تۋىندى دۋبلياجدالسا، ولاردىڭ ىشىندە «كولىكتەر 2» ، «كەك الۋشىلار: الترون ءداۋىرى» ، «باتىل جۇرەك» ، «كوكو قۇپياسى» ، «موانا» ، «مالەفيسەنتا» ، «الاددين» ، «ويىنشىقتار حيكاياسى - 4» جانە ت. ب. فيلمدەر بار. وسى جوبانىڭ ارقاسىندا 100 دەن استام وتاندىق اكتەردىڭ داۋىسى «Walt Disney Pictures» داۋىستىق قورىنا جازىلدى. قازاق ءتىلى دۋبلياجدا تۇرىك تىلىنەن كەيىنگى ەكىنشى تۇركى ءتىلى بولسا، «Walt Disney» كومپانياسىنىڭ تاريحىندا 39- ورىندا.

سوڭعى جاڭالىقتار