بيزنەس-فورۋم قورىتىندىسى بويىنشا قازاقستان مەن كورەيا 32 كەلىسىمگە قول قويدى
«قازاقستان ۇكىمەتى وڭتۇستىك كورەيا پرەزيدەنتى مۋن چجە ين مىرزانىڭ ساپارىن مەملەكەتتەرىمىزدىڭ ەكونوميكا، ساۋدا، ينۆەستيتسيا جانە گۋمانيتارلىق بايلانىستارىن نىعايتۋدىڭ مۇمكىندىگى رەتىندە قاراستىرادى»، - دەدى ق ر پرەمەر-ءمينيسترى اسقار مامين قازاقستان-كورەيالىق بيزنەس-فورۋم بارىسىندا سويلەگەن سوزىندە.
قازاقستاننىڭ ۇكىمەت باسشىسى وڭتۇستىك كورەيالىق دەلەگاتسيانىڭ ساپارى اياسىندا «سامال جەل» اتتى جاڭا ەكونوميكالىق ىنتىماقتاستىق باعدارلاماسىنا قول قويىلعاندىعىن اتاپ ءوتتى.
«اتالمىش قۇجاتتا ساۋدا، ينۆەستيتسيا، ەنەرگەتيكا، ونەركاسىپ، لوگيستيكا، جاڭا يننوۆاتسيالىق وندىرىستەردى قۇرۋ، قۇرىلىس، اۋىل شارۋاشىلىعى، مادەنيەت جانە ءبىلىم سياقتى سالالار بويىنشا ەلدەرىمىزدىڭ اراسىنداعى ىنتىماقتاستىقتى تەرەڭدەتۋ مەن كەڭەيتۋگە باعىتتالعان ءبىرقاتار ماسەلەلەر قامتىلعان»، - دەپ قوستى ول.