ەلوردا تۇرعىنى ءوز پاتەرلەرىنە 324 ادامدى تىركەگەن

None
None
نۇر- سۇلتان. قازاقپارات - نۇر- سۇلتان قالاسىنىڭ تۇرعىنى ءوزىنىڭ 10 پاتەرىنە 324 ادامدى تىركەگەن، دەپ حابارلايدى قازاقپارات Polisia.kz سايتىنا سىلتەمە جاساپ.

الدىن الۋ شاراسىن وتكىزۋ كەزىندە پوليتسەيلەر 1229 مەكەنجايدى تەكسەرگەن. ونىڭ ناتيجەسىندە بەس مىڭعا جۋىق ادام تىركەلگەن 58 پاتەر انىقتالدى. تۇلعالاردى كوپتەپ تىركەۋگە جول بەرگەن پاتەر يەلەرىنە قاتىستى اكىمشىلىك شارالار قابىلدانعان. ءۇي يەلەرىنەن جالعان تۇردە تىركەلگەن ازاماتتاردى تىركەۋدەن الىپ تاستاۋ وتىنىشتەرى الىندى.

ءوز پاتەرىنە ەڭ كوپ ادامدى زاڭسىز تىركەۋ جاعدايلارى نۇر- سۇلتان قالاسىنىڭ سول جاق جاعالاۋىندا تىركەلگەن. ماسەلەن، ەسىل اۋدانىنىڭ پوليتسەيلەرى يەسى ءبىر ادام بولىپ تابىلاتىن 10 مەكەنجايدى انىقتادى. پاتەرلەردىڭ يەسى، ايەل ە س ق ارقىلى ازاماتتاردى تۇراقتى نەگىزدە زاڭسىز تىركەپ وتىرعان. وسىلايشا، ول پاتەرلەرىنە 324 ادامدى تىركەگەن. پوليتسەيلەر قۇقىق بۇزۋشىنىڭ ارەكەتتەرىن باقىلاۋعا الدى، وعان قاتىستى زاڭعا سايكەس شارالار قولدانىلدى.

پوليتسەيلەر سونداي- اق جالعان مەكەنجاي بويىنشا شەتەلدىك ازاماتتاردى زاڭسىز تىركەۋ فاكتىلەرىن جويىپ، ەرەكشە باقىلاۋىنا الدى. پوليتسيا دەپارتامەنتى تۇرعىلىقتى مەكەنجاي بويىنشا زاڭسىز تىركەۋمەن اينالىسىپ جۇرگەن تۇرعىندار اعىمداعى زاڭناماعا سايكەس جاۋاپكەرشىلىككە تارتىلاتىنىن ەسكە سالىپ وتىر.

اۆتور: زارينا تۋعانبايەۆا

سوڭعى جاڭالىقتار