تۇركىستان وبلىسىندا توعىز ايدا 323,9 ميلليارد تەڭگەنىڭ ءونىمى وندىرىلگەن
بۇل تۋرالى كاسىپكەرلىك جانە يندۋستريالدى يننوۆاتسيالىق دامۋ باسقارماسىنىڭ باسشىسى عانيبەت اۋباكىروۆ وڭىرلىك كوممۋنيكاتسيالار قىزمەتىندە وتكەن بريفينگتە مالىمدەدى، دەپ حابارلايدى قازاقپارات ءتىلشىسى.
عانيبەت اۋباكىروۆتىڭ ايتۋىنشا، كاسىپكەرلىكتى قولداۋ كارتاسى اياسىندا اعىمداعى جىلى 16,8 ميلليارد تەڭگەنى قۇرايتىن 9 جوبانى ىسكە قوسۋ جوسپارلانعان. ونىڭ ىشىندە 4 جوبا جۋىق ارادا جۇزەگە اسىرىلادى.
«وڭىردە اعىمداعى جىلى ىسكە قوسىلعان جوبالاردىڭ قاتارىندا ورداباسى اۋدانىنداعى پەت قالدىقتارىن جانە شپاتەلدى تالشىقتار وندىرەتىن «Green technology industries» زاۋىتى، تۇركىستان قالاسىنداعى تۇيە مەن بيە ءسۇتىن وڭدەيتىن «Golden Camel Group LTD» كاسىپورنى مەن ەشكى ءسۇتىن قايتا وڭدەيتىن «ورداباسى ەشكى ءسۇت ونىمدەرى» ج ش س- ءى، سونداي-اق، قازىعۇرت اۋدانىنداعى الكوگولسىز سۋسىندار وندىرەتىن «كورىك» شارۋا قوجالىعى بار.
بۇدان وزگە، ايماقتا 2015-2019-جىلدارعا ارنالعان كاسىپكەرلىكتى قولداۋ كارتاسىنا جالپى ينۆەستيتسيا كولەمى 426 ميلليارد تەڭگەنى قۇرايتىن 87 جوبا ەنگىزىلىپ، جاڭادان 11 مىڭ جۇمىس ورنى اشىلاتىن بولادى»، - دەدى عانيبەت اۋباكىروۆ.
ايتا كەتەيىك، قازىرگى تاڭدا وبلىستا 9 يندۋستريالدى ايماق جۇمىس ىستەيدى. اۋدان، قالالارداعى يندۋستريالدى ايماقتاردىڭ جالپى جەر اۋماعى 533 گەكتاردى قۇرايدى. بۇگىنگى كۇنى تۇركىستان وبلىسىنىڭ يندۋستريالدى ايماقتارىندا جالپى قۇنى 80 ميلليارد تەڭگەنى قۇرايتىن 61 جوبا ىسكە قوسىلۋدا. ناتيجەسىندە جاڭادان 3 مىڭ جۇمىس ورنى اشىلماق.