ءبىرىنشى سىنىپقا قابىلداۋعا 320 مىڭعا جۋىق ءوتىنىش ءتۇستى
1 شىلدە 17:45

ءبىرىنشى سىنىپقا قابىلداۋعا 320 مىڭعا جۋىق ءوتىنىش ءتۇستى

نۇر-سۇلتان. قازاقپارات - ءۇش ايدىڭ ىشىندە بالالاردى 1-سىنىپقا قابىلداۋعا 320 مىڭعا جۋىق ءوتىنىش ءتۇسىپ ۇلگەردى. ونىڭ ىشىندە بالالاردىڭ %70 عا جۋىعى مەملەكەتتىك تىلدە وقۋدى تاڭدادى.

بۇل تۋرالى قازاقپارات وقۋ-اعارتۋ مينيسترلىگىنە سىلتەمە جاساپ حابارلايدى.

ءبىرىنشى سىنىپقا قابىلداۋ 1- ساۋىردە باستالعان بولاتىن. ال قۇجاتتاردى قابىلداۋ مەرزىمى 2022-جىلعى 1- تامىزدا اياقتالادى.

ازاماتتارعا ىڭعايلى بولۋ ءۇشىن وقۋ-اعارتۋ مينيسترلىگى قىزمەتتى اۆتوماتتاندىردى جانە قۇجاتتار egov.kz ۆەب-پورتالى ارقىلى قابىلدانادى. سونداي-اق اتا-انالار قۇجاتتاردى ءداستۇرلى قاعاز فورماتىندا دا تاپسىرا الادى.

«اتا-انالارعا قۇجاتتاردى تەزىرەك تاپسىرۋعا كەڭەس بەرەمىز، ويتكەنى قابىلداۋ 1- تامىزدا اياقتالادى. ال 1- تامىزدان باستاپ مەكتەپتەردە وقۋ-تاربيە ءۇردىسىن ساپالى جوسپارلاۋ مەن ۇيىمداستىرۋ، وقۋلىقتاردى تاراتۋ، سىنىپتاردى قالىپتاستىرۋ جانە باسقا دا ۇيىمداستىرۋ جۇمىستارى باستالادى. قۇجات قابىلداۋ باستالعانىنا ءۇش اي ءوتتى جانە وسى ۋاقىت ىشىندە 320 مىڭعا جۋىق ءوتىنىش ءتۇستى. ونىڭ %82 ەلەكتروندى فورماتتا قابىلداندى. سونىمەن قاتار مەملەكەتتىك تىلدە ءبىلىم العىسى كەلەتىندەردىڭ ۇلەسى بۇگىندە %70 عا جۋىقتادى. قازاق تىلىندە وقىتاتىن سىنىپتارعا قابىلداۋ بويىنشا ەڭ جوعارى كورسەتكىشتەر قىزىلوردا (%92,4)، تۇركىستان (%89) جانە ماڭعىستاۋ (%87,1) وبلىستارىندا تىركەلدى»، - دەدى ق ر وقۋ-اعارتۋ مينيسترلىگى مەكتەپكە دەيىنگى جانە ورتا ءبىلىم كوميتەتىنىڭ ءتوراعاسى گۇلميرا كارىموۆا.

جاڭا وقۋ جىلىندا 400 مىڭنان استام بالا 1-سىنىپقا بارادى دەپ كۇتىلىپ وتىر.

جاڭالىقتار