افريكاداعى ەڭ كەدەي ەلدىڭ پرەزيدەنتى قازاقستانعا قۇنى 320 ميلليون دوللارلىق ۇشاقپەن كەلگەن
ەممەرسون منانگاگۆانىڭ باسشىلىعىنداعى مەملەكەت افريكاداعى ەڭ كەدەي ەل بولىپ تانىلعان دەپ جازادى News.tut.by c سايتى.
ەممەرسون منانگاگۆا ۇشىپ جۇرگەن اۋە كەمەسى ەكسكليۋزيۆتى ۇشاق بولىپ سانالادى. ول Boeing 787-8 Dreamliner بازاسىندا جاسالعان. باعاسى 320 ميلليون دوللارعا تەڭ.
بۇل ۇشاقتى جالعا الۋ ساعاتىنا 74 مىڭ دوللاردى قۇرايدى. ەگەر ونىمەن ۇشۋ ۋاقىتى ءبىر اپتا كولەمىن قامتىسا، جالعا الۋشى كەمىندە 800 مىڭ دوللاردى جۇمساۋعا ءماجبۇر بولماق.
ءوز ەلىنە ينۆەستيتسيا تارتۋدى كوزدەپ، ەڭ قىمبات ۇشاقپەن ساياحاتتاپ جۇرگەن زيمبابۆە پرەزيدەنتىنىڭ ءىس-ساپارى دا ءدال وسى قوماقتى سوماعا شىقپاق. بۇل تۇرعىدا، افريكاداعى ەڭ كەدەي سانالعان مەملەكەتتە بۇگىندە گيپەرينفلياتسيا دەڭگەيى جىلىنا 230 ميلليون پايىزعا جەتتى.
الايدا، بۇل كورسەتكىشتىڭ ءوزى ەممەرسون منانگاگۆانى ەكسكليۋزيۆتى اۋە كەمەسىن تاڭداۋدا توقتاتا قويماعان.
ۇشاقتىڭ ىشكى قۇرىلىمىنىڭ جوباسىن بەلگىلى فرانسۋز ديزاينەرى جاك پەرجان ءوزى جاساقتاپ شىققان.
بۇل اۋە كەمەسى 17 ساعاتقا دەيىن جانارماي قۇيۋدى قاجەت ەتپەيدى. ول ەڭسەرە الاتىن قاشىقتىق 15789 شاقىرىمدى قۇرايدى.
پيلوتتار قۇرامى ەڭ تاجىريبەلى، ال بورت قىزمەتكەرلەرى ەڭ قوناقجاي. ولاردىڭ قوناقجايلىلىق دەڭگەيى جەتى جۇلدىزعا تەڭ كەلگەن.
ۇشاق 40 جولاۋشىعا ارنالعان. ونىڭ اۋدانى 220 شارشى مەتردى قۇرايدى. اۋە كەمەسىنىڭ ءىشى جاتىن بولمە، گاردەروب، قوناقتار بولمەسى مەن اسحاناعا بولىنگەن.