قىتايلىق كومپانيا قامىستان قاعاز ءوندىرۋ جوباسىنا 320 ميلليون دوللار بولمەك
باسپا ءسوز مالىمەتەرىنە قاراعاندا، كەزدەسۋ بارىسىندا قامىستان سەلليۋلوزا جانە قاعاز ءوندىرىپ شىعارۋ جوباسىن ىسكە اسىرۋ مۇمكىندىكتەرى تالقىلاندى.
ينۆەستور جوباعا كەزەڭ-كەزەڭمەن 320 ميلليون ا ق ش دوللارىن سالۋدى جوسپارلاپ وتىر. جوبا ىسكە اسقان جاعدايدا قامىستان سەلليۋلوزا جانە قاعاز ءوندىرىسىنىڭ كولەمى جىل سايىن 200 مىڭ توننانى قۇرايتىن بولادى. فابريكاعا 2 مىڭنان اسا ادام جۇمىسقا الىنادى دەپ جوسپارلانادى. وندىرىستە قاعازدى اعارتۋدىڭ حلور قۇرامىنسىز ەكولوگيالىق تەحنولوگياسى - ECF (Elementary Chlorine Free) ماركەرلەۋىمەن قولدانىلاتىن بولادى.
«Qifeng New Material» وكىلدەرى شەتەلدىك كومپانيالارعا ۇسىنىلاتىن ينۆەستيسيالىق پرەفەرەنسيالارمەن تانىستى. «Kazakh Invest» كومپانياسىنىڭ وكىلدەرىمەن بىرلەستىكتە جوبانى ىسكە اسىراتىن ورىن تاڭداۋ ءۇشىن ءبىرقاتار وڭىرلەرگە بارۋ جونىندە كەلىسىمگە قول جەتكىزىلدى.
«Qifeng New Material» ساندىك قاعاز جانە توقىما ەمەس تۇسقاعاز جارتىلاي فابريكاتىنىڭ الەمدەگى ەڭ ءىرى ءوندىرۋشىسى بولىپ تابىلادى. ونىمدەرى الەمنىڭ 30 دان اسا ەلىنە ەكسپورتتالادى. كومپانيانىڭ 212 ۇلتتىق پاتەنتى جانە شەشۋشى ونەرتابىستارعا 18 پاتەنتى بار.