+7 (701) 759 90 19
-5 °С : نۇر-سۇلتان
6 °С : الماتى
USD 445.84 EUR 490.47
RUB 5.73 CNY 62.87
جاڭالىقتار

اعزا اۋىستىرۋ ءۇشىن 3200 قازاقستاندىق كەزەكتە تۇر

24 اقپان 19:47
:ءبولىسۋ
اعزا اۋىستىرۋ ءۇشىن 3200 قازاقستاندىق كەزەكتە تۇر

الماتى. قازاقپارات - بۇگىن الماتىداعى دوستىق ۇيىندە قر دەنساۋلىق ساقتاۋ ءمينيسترى ەلجان ءبىرتانوۆتىڭ قاتىسۋىمەن «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكس جوباسىن تالقىلاۋعا ارنالعان «دوڭگەلەك ۇستەل» ءوتتى، دەپ حابارلايدى قازاقپارات ءتىلشىسى.

وتىرىس بارىسىندا ماماندار ترانسپلانتولوگيا ماسەلەسىن تىلگە تيەك ەتتى.

زاڭ جوباسى بويىنشا جۇمىس توبىنىڭ ءتوراعاسى، ق ر ءماجىلىس دەپۋتاتى زاۋرەش امانجولوۆا ترانسپلانتولوگياعا قاتىستى جۇمىس توبىنىڭ پوزيتسياسىن جەتكىزدى.

«ترانسپلانتاتسيا وتە كەرەك. بۇل، مەديتسينانىڭ جەتكەن جەتىستىگىنىڭ ايعاعى. ءبىز دە قازاقستاننىڭ جەتكەن جەتىستىگىمەن ماقتانۋىمىز كەرەك. بىزدە تالانتتى حيرۋرگتار وتە كوپ. ءبىراق سوڭعى جىلدارى دونورلىق كورسەتكىش تومەندەپ كەتتى. بۇگىندە 3200 ادام اعزاسىن اۋىستىرۋعا كەزەكتە تۇر. ولاردىڭ 70 پايىزىنا بۇيرەك كەرەك. 250- ءى بالالار. ال بىزدە بالالار ترانسپلانتولوگياسى مۇلدە جوق»، - دەدى ءماجىلىس دەپۋتاتى.

ونىڭ ايتۋىنشا، ەندى ادام مۇشەلەرى شەتەلگە جىبەرىلمەيدى، جىبەرىلسە تەك قازاقستان ازاماتتارىنا عانا.

جاڭا كودەكسكە سايكەس، ولگەن ادامنىڭ مۇشەسىن دونورلىققا بەرۋ ءۇشىن مىندەتتى تۇردە جاقىن تۋىسىنىڭ نەمەسە جۇبايىنىڭ (ەرىنىڭ) كەلىسىمى قاجەت ەتىلەدى.

جۇمىس توبىنا وسى تاقىرىپتا 1 مىڭعا جۋىق حات كەلگەن.

«2006 -جىلدان باستاپ مەن باسقاراتىن قور مۇقتاج بالالاردىڭ ورگاندارىن اۋىستىرۋعا وتا جاساۋعا كومەكتەسىپ كەلەدى. ءبىز كوبىنەسە شەتەلگە شىعامىز. ءبىراق سوڭعى ۋاقىتتا شەتەلدە ءبىزدىڭ بالالارعا اعزانى بەرۋدى شەكتەي باستادى. قازىر تەك ءۇندىستانعا بارۋعا بولادى. ءبىراق ول جاقتا دا ۇلكەن كەزەك. بالالار دا، ۇلكەندەر دە مەديتسينالىق كومەك الۋعا، ءومىر سۇرۋگە قۇقىعى بار»، - دەدى ق ر بالالار قۇقىعىن قورعاۋ جونىندەگى ۋاكىل ارۋجان ساين.

ەستەرىڭىزگە سالا كەتەيىك، ق ر ءماجىلىسىنىڭ سپيكەرى نۇرلان نىعماتۋلين «نۇر وتان» پارتياسى فراكسياسىنىڭ كەڭەيتىلگەن وتىرىسىندا جاڭا كودەكس جوباسىن تالقىعا سالعان بولاتىن.

فراكسيانىڭ كەڭەيتىلگەن وتىرىسىندا دەنساۋلىق ساقتاۋ كودەكسى جوباسىنىڭ ءاربىر نورماسى جان- جاقتى، تەرەڭ تالقىلاندى.

اۆتور: گۇلميرا عوسمانالي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات