قازاقستاننان قاجىعا باراتىندارعا 3200 كۆوتا ءبولىندى

استانا. قازاقپارات - ساۋد ارابياسى بيىل قازاقستاننان قاجىلىققا باراتىندارعا 3200 كۆوتا بولگەن. بۇل تۋرالى ازاتتىققا قازاقستان مۇسىلماندارى ءدىني باسقارماسىنىڭ باسپا ءسوز حاتشىسى اعابەك قونارباي حابارلادى.

ونىڭ ايتۋىنشا، قازاقستانعا بولىنگەن كۆوتا سانى بيىل دا ازداپ ۇلعايعان. مىسالى، 2018-جىلى ءۇش مىڭ، 2017-جىلى 2,5 مىڭ ادامعا كۆوتا بولىنگەن ەدى.

وعان دەيىن كەي جىلدارى قازاقستاننان قاجىعا بەس مىڭ ادام بارعان.

جىل سايىن قۇربان ايت مەيرامى قارساڭىندا الەم مۇسىلماندارىمەن بىرگە قازاقستاندىقتار دا مەككەگە قاجىلىق پارىزىن وتەۋگە بارادى. قازاقستان مۇسىلماندارى ءدىني باسقارماسىنىڭ حابارلاۋىنشا، بيىلعى قاجىلىق ساپار 8-10- تامىز ارالىعىنا بەلگىلەنىپ وتىر.

بيىل ورازا ايى 6- مامىردا باستالادى. قۇربان ايت مەيرامىن 11- تامىزدا تويلاي باستايدى.