الماتىدا بيىكتىكتىگى 3200 مەتر زاماناۋي دارەتحانا سالىنادى
بۇل تۋرالى «شىمبۇلاق» تاۋ شاڭعى كۋرورتى باسشىسى ەرجان ەركىنبايەۆ مالىمدەدى، - دەپ حابارلايدى Tengrinews.kz ءتىلىشىسى.
ونىڭ ايتۋىنشا، دارەتحانانى قىس ماۋسىمىنا ارناپ ورناتادى. «كارىز جەلىلەرىنىڭ جەتىسپەۋشىلىگى مەن قاتال اۋا رايى جاعدايلارىنا بايلانىستى «شىدامسىز» قوناقتارعا جۋىناتىن بولمە ورناتۋ تۋرالى ءوتىنىشىن ورىنداۋ مىندەتى قيىنعا سوقتى.
ءالپىنىڭ كوپتەگەن كۋرورتىندا دا وسىنداي بيىكتىكتە دارەتحانالار جوق، ءبىراق ەشكىمنىڭ ويىنا شاعىمدانۋ كەلمەيدى. قولدانىستاعى «اۋىلدىق» دارەتحانا تۇتىنۋشىلار ءۇشىن ەمەس، تالعار اسۋىندا تاۋلىك بويى كەزەكشىلىك جۇرگىزەتىن قۇتقارۋشىلار ءۇشىن سالىنعان، ال تۇتىنۋشىلار ورتالىق ستانسياعا جەتى مينۋتتا جەتىپ، ادەمى جۋىناتىن بولمەنى قولدانۋلارىنا بولادى...»، - دەيدى ول.
ونىڭ مالىمەتى بويىنشا، سۋ قۇبىرى تاۋ شىڭىنا دەيىن جۇرگىزىلىپ قويىپتى. ەندى جۋىناتىن بولمەنى كارىزسىز قولدانۋ ءۇشىن سۋ تازارتۋ قوندىرعىسى بويىنشا شەشىم قابىلدانىپ جاتىر. «قىسقا دەيىن بۇل ماسەلەنى شەشەمىز، ال ءوزىنىڭ بيو-فيزيولوگيالىق قاجەتتىلىكتەرىن بەس مينۋت باقىلاۋدا ۇستاپ نەمەسە تەجەي المايتىن ادامدارعا ورتالىق ستانسياداعى دارەتحاناعا بارۋدى ۇسىنامىن، - دەدى ەركىنبايەۆ.