ا ق ش- تىڭ مەملەكەتتىك قارىزى رەكوردتىق 31 تريلليون دوللارعا جەتتى
6 قازان, 10:50

ا ق ش- تىڭ مەملەكەتتىك قارىزى رەكوردتىق 31 تريلليون دوللارعا جەتتى

ۆاشينگتون. قازاقپارات – ا ق ش قازىناشىلىعىنىڭ جاريالاعان ەسەبىنە سايكەس، ەلدىڭ جالپى مەملەكەتتىك قارىزى 31 تريلليون دوللاردان استى، دەپ حابارلايدى قازاقپارات ABC News-كە سىلتەمە جاساپ.

كونگرەستىڭ بيۋدجەتتىك باسقارماسى وسى جىلدىڭ باسىندا امەريكانىڭ قارىز اۋىرتپالىعى تۋرالى ەسەبىن جاريالاعان بولاتىن. 30 جىلعا جاسالعان بولجامدا ايتىلعانداي، شارا قولدانىلماعان جاعدايدا، كوپ ۇزاماي قارىزدار جاڭا ماكسيمۋمعا جەتىپ، ا ق ش ەكونوميكاسىنا قاۋىپ ءتوندىرۋى ىقتيمال.

جاۋاپتى فەدەرالدى بيۋدجەت كوميتەتىنىڭ پرەزيدەنتى مايا ماكگينەستىڭ سوزىنشە، امەريكالىقتار سوڭعى 18 ايدا ينفلياتسيانىڭ 40 جىلدا جەتكەن ەڭ جوعارى دەڭگەيىنىڭ كۋاسى بولدى.

لويولا مەريماۋنت ۋنيۆەرسيتەتىنىڭ ەكونوميكا پروفەسسورى سون ۆون سون: «بۇل ەلگە ءوزىنىڭ العاشقى 1 تريلليون دوللار ۇكىمەتتىك قارىزىن جيناۋ ءۇشىن 200 جىل قاجەت بولدى. ال پاندەميادان كەيىن قارىزدى ءار توقسان سايىن تاعى 1 تريلليون دوللارعا ارتتىرىپ كەلەمىز»، - دەدى.

فوتو: Global Look Press

اۆتور

زارينا تۋعانبايەۆا

جاڭالىقتار