14:14, 08 - ءساۋىر 2020 | GMT +6
ەلوردادا 31 مەديتسينا قىزمەتكەرى كوروناۆيرۋس جۇقتىرعان
نۇر-سۇلتان. قازاقپارات - ەلوردادا 31 مەديتسينا قىزمەتكەرى كوروناۆيرۋس جۇقتىرعان.
بۇل تۋرالى ورتالىق كوممۋنيكاتسيالار قىزمەتىندەگى بريفينگتە نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ايتتى، دەپ حابارلايدى قازاقپارات ءتىلشىسى.
«نۇر-سۇلتان قالاسىندا 31 مەديتسينا قىزمەتكەرى كوروناۆيرۋس جۇقتىرعان. ولار قالالىق مەديتسينالىق ۇيىمداردىڭ، سونىمەن قاتار رەسپۋبليكالىق ۇيىمداردىڭ قىزمەتكەرلەرى. ولار نەگىزىنەن كوروناۆيرۋس ىندەتىن جۇقتىرعان پاتسيەنتتەردى ەمدەۋ- دياگنوستيكالىق پروتسەسىنە جۇمىلدىرىلعان. جاعدايلارى قاناعاتتانارلىق، بارلىعى دا ەمحاناعا جاتقىزىلعان. كلينيكالىق حاتتاماعا سايكەس ەم الىپ جاتىر»، - دەدى ساۋلە قيسىقوۆا.
اۆتور: مارلان جيەمباي