ەلورداداعى اۋەجايدا اۋا رايىنا بايلانىستى 31 اۋە رەيسى كەشىكتىرىلۋدە

نۇر-سۇلتان. قازاقپارات - نۇرسۇلتان نازاربايەۆ حالىقارالىق اۋەجايىندا اۋا رايىنىڭ بۇزىلۋىنا بايلانىستى 31 رەيس كەشىكتىرىلىپ جاتىر، دەپ حابارلايدى قازاقپارات ءتىلشىسى اۋەجايدىڭ باسپا ءسوز قىزمەتىنە سىلتەمە جاساپ.

اۋەجايدان حابارلانعانداي، باسقا قالالاردان ۇشاقتىڭ كەشىگىپ كەلۋى مەن سونداعى اۋا رايىنىڭ جايسىزدىعى سالدارىنان 16 رەيس ۋاقتىلى ورىندالماعان. ولار:

- «Air Astana» اۋە كومپانياسىنىڭ 8 رەيسى (ولاردىڭ ىشىندە تاشكەنت، سانكت- پەتەربۋرگ جانە شارم-ءال-شەيح قالالارىنان كەلەتىن حالىقارالىق رەيستەر) ؛

- «SCAT» اۋە كومپانياسىنىڭ ەكى رەيسى (وسكەمەن جانە شىمكەنت قالالارىنان)؛

- «Qazaq Air» اۋە كومپانياسىنىڭ ەكى رەيسى (پەتروپاۆل مەن قوستانايدان)؛

- «Fly Arystan» اۋە كومپانياسىنىڭ ءۇش رەيسى (شىمكەنت، الماتى جانە قوستانايدان)؛

- «Etihad Airways « اۋە كومپانياسىنىڭ ءبىر رەيسى (ابۋ- دابيدەن).

سونىمەن قاتار، باسقا قالالاردان ۇشاقتاردىڭ كەشىگىپ كەلۋى سالدارىنان 15 رەيس ۋاقتىلى ورىندالماعان:

- «Air Astana» اۋە كومپانياسىنىڭ 7 رەيسى؛

- «Qazaq Air» اۋە كومپانياسىنىڭ ەكى رەيسى (اقتوبە مەن قوستانايعا)؛

- «Fly Arystan» اۋە كومپانياسىنىڭ ءۇش رەيسى (شىمكەنت، الماتى مەن قوستانايعا)؛

- «Turkish Airlines» اۋە كومپانياسىنىڭ ءبىر رەيسى (ىستامبۇلعا)؛

- «Etihad Airways « اۋە كومپانياسىنىڭ ءبىر رەيسى (ابۋ- دابيگە)؛

- «FlyDubai « اۋە كومپانياسىنىڭ ەكى رەيسى (دۋبايعا).

نۇرسۇلتان نازاربايەۆ حالىقارالىق اۋەجايى شتاتتىق رەجىمدە جۇمىس ىستەپ تۇر.