سولتۇستىك كورەيادا ءولىم جازاسىنا كەسەتىن 318 پوليگون تابىلدى
بۇل تۋرالى وڭتۇستىك كورەيالىق ۇكىمەتتىك ەمەس ۇيىم مالىمدەدى.
قۇقىق قورعاۋ ۇيىمىنىڭ ماماندارى سوڭعى ءتورت جىلدا سولتۇستىك كورەيادان قاشىپ شىققان 610 قاشقىنمەن اڭگىمەلەسكەن. قۇجاتقا ساي حالىق الدىنداعى ءولىم جازاسىنا كوبىنەسە سيىر ۇرلاعاندار مەن وڭتۇستىك كورەيالىق تەلەباعدارلامالاردى كورگەندەر تارتىلادى. ءولىم جازاسى ۇكىمىن ورىنداۋ وزەن جاعالاۋلارىندا، بازار ماڭىندا نەمەسە مەكتەپ پەن ستاديونداردا وتەدى. ۇيىمنىڭ ەسەبىنە سايكەس، ونى كورۋگە مىڭداعان ادام جينالاتىن كورىنەدى. ال قىلمىسكەرلەردىڭ تۋىستارى مەن بالالارىن ءتىپتى كەلىپ كورۋگە ماجبۇرلەيدى ەكەن.
سارا سون، ۇكىمەتتىك ەمەس ۇيىمنىڭ مۇشەسى:
- ءولىم جازاسىن تاعايىنداۋدىڭ ەكى باستى ماقساتى بار. ونىڭ ءبىرى - حالىققا ساياسي ۇستانىمداردى ەسكە سالۋ. ەكىنشىسى - قاراپايىم تۇرعىنداردى قورقىنىشتا ۇستاۋ. سونداي- اق ءولىم جازاسىنا سيىر نەمەسە ۇلتتىق تاعامداردى ۇرلاعانى ءۇشىن، مۇلىكتى زاقىمداعانى ءۇشىن كەسىلەدى ەكەن. ەلدەن قاشىپ شىققان ازاماتتاردىڭ ايتۋىنشا، ولاردى كەمىندە ەكى- ءۇش مارتە ءولىم جازاسىن كورۋگە ماجبۇرلەگەن.
www.24.kz