شىعىس قازاقستاندا قار قۇرساۋىندا قالعان كولىكتەردەن 312 ادام قۇتقارىلدى

None
None
استانا. قازاقپارات - شىعىس قازاقستان وبلىسىندا قار قۇرساۋىنان 312 ادام ەۆاكۋاتسيالاندى، دەپ حابارلايدى قازاقپارات.

«06.00-دەگى جاعداي بويىنشا 312 ادام ەۆاكۋاتسيالاندى، ونىڭ 28 ادام اۋرۋحاناعا، 40 ادام ى. التىنسارين اتىنداعى ورتا مەكتەپكە، 55- ءى - اقتامبەردى ورتا مەكتەبىنە، 19-ى - كوللەدجگە، 60-ى - تاسكەسكەن اۋىلىنىڭ تۇرعىندارىنا، 70- ءى - «ايگەرىم» كافەسىنە ورنالاستىرىلدى. 40 ادام ءۇرجار اۋىلىنداعى ۇيلەرىنە جەتكىزىلدى. قار قۇرساۋىندا قالعان باسقا ادامدار ەۆاكۋاتسيادان باس تارتتى»، - دەپ حابارلادى ق ر ءى ءى م توتەنشە جاعدايلار كوميتەتىنىڭ رەسمي وكىلى نۇرسۇلتان نۇراحمەتوۆ.

 «قار كەپتەلىپ قالعان جەردە 231 كولىك قۇرالى تۇر. جەرگىلىكتى اتقارۋ ورگاندارى ىستىق تاماقتار مەن كولىك ءۇشىن جانارماي بەرۋدى ۇيىمداستىردى. ادامدار مەديتسينالىق كومەككە جۇگىنگەن جوق. قازىر جول تازالانىپ جاتىر»، - دەدى ول.

سونداي-اق، وبلىس اكىمدىگىندە شتاب قۇرىلدى.

«وسكەمەن قالاسىنان اتالمىش ۋچاسكەگە جول تاڭدامايتىن 7 كولىكپەن ش و ءا ج ق و قۇتقارۋشىلارى اتتاندى. سونىمەن قاتار، قار قۇرساۋىندا قالعان كولىكتەرىن تاستاپ كەتۋدەن باس تارتقان ازاماتتار ازىق-تۇلىكپەن قامتاماسىز ەتىلەدى»، - دەلىنگەن حابارلامادا.

ەسكە سالا كەتسەك، قاتتى بوران كەزىندە «الماتى-وسكەمەن» تاسجولىندا 90 كولىك قار قۇرساۋىندا قالعانىن، وسى كولىكتەردەن 25 ادام ونىڭ ىشىندە 4 بالا قۇتقارىلعانىن حابارلاعان بولاتىنبىز.

سوڭعى جاڭالىقتار