ءۇش كۇندە ماس كۇيدە كولىك باسقارعان 30 عا جۋىق ەلوردالىق ۇستالدى - پوليتسيا

None
استانا. قازاقپارات - 31 -مامىر مەن 2 -ماۋسىم ارالىعىندا ەلوردا اۋماعىندا «ماس جۇرگىزۋشى - قىلمىسكەر» جەدەل الدىن الۋ شاراسى ءوتتى، دەپ حابارلايدى قازاقپارات ءتىلشىسى.

«جەدەل پروفيلاكتيكالىق ءىس- شارا بارىسىندا استانا قالاسىندا 28 جۇرگىزۋشى ۇستالىپ، مەديتسينالىق كۋالاندىرۋدان ءوتۋ ءۇشىن ولار ناركولوگيا ورتالىعىنا جەتكىزىلدى. ونىڭ ىشىندە 23 جۇرگىزۋشىنىڭ ماس ەكەنى راستالدى. ال ءۇش ادام كۋالاندىرۋدان وتۋدەن باس تارتىپ، ولارعا حاتتاما راسىمدەلدى. جەدەل الدىن الۋ ءىس- شاراسىنا استانا قالالىق پوليتسيا دەپارتامەنتى پاترۋلدىك پوليتسيا بولىمشەسىنىڭ 25 جانە 6 موتوۆزۆود ەكيپاجى جۇمىلدىرىلدى»، - دەپ ءمالىم ەتتى قالالىق دەپارتامەنتتىڭ باسپا ءسوز قىزمەتىنەن.

بۇدان باسقا، كولىك قۇرالىن باسقارۋعا قۇقىعى جوق 7 موتوتسيكل جۇرگىزۋشىسى انىقتالىپ، جول ءجۇرۋ ەرەجەسىن ساقتاماي، موپەد باسقارعان 2 ازامات ۇستالعان. جالپى، وسى ارالىقتا ءتۇرلى زاڭ تالابىنا قايشى ارەكەتتەرى ءۇشىن 40 كولىك ايىپ تۇراعىنا قويىلدى.

سوڭعى جاڭالىقتار