ابىلاي مىرزاحمەتوۆ 30 ميلليون دوللار پارامەن ۇستالدى
سىبايلاس جەمقورلىققا قارسى ءىس- قيمىل اگەنتتىگىنىڭ باسپا ءسوز قىزمەتى اتالعان مالىمەتتى قازاقپارات تىلشىسىنە راستادى.
«اقپاراتتى راستايمىز. ازىرگە ءمان- جايىن اشىپ ايتا المايمىز، تاڭەرتەڭ تولىق اقپارات بەرۋگە تىرىسامىز»، - دەدى انتيكور ءتوراعاسىنىڭ كەڭەسشىسى ارمان تىلەۋكەنوۆ.
پارانىڭ كولەمى دە اناۋ- مىناۋ ەمەس الەۋمەتتىك جەلىلەردەگى اقپاراتقا سەنسەك 30 ميلليون دوللار. تەڭگەگە شاققاندا 13 ميلليارد 300 ميلليون. سىبايلاس جەمقورلىققا قارسى كۇرەس قىزمەتى ونىڭ پارا الىپ ۇستالعانىن جانە تەرگەلىپ جاتقانىن راستاعان.
ابىلاي مىرزاحمەتوۆ «اتامەكەن» ۇلتتىق كاسىپكەرلەر پالاتاسىنىڭ باسقارما باسشىسى قىزمەتىنەن بىلتىر اقپان ايىندا كەتكەن. ونىڭ الدىندا پرەزيدەنت جانىنداعى ەكونوميكالىق دامۋ بويىنشا مەملەكەتتىك كوميسيانىڭ مۇشەسى، «قازاقستان تەمىر جولى»، «سامۇرىق- قازىنا» سەكىلدى ماڭىزدى ورىنداردا جوعارعى قىزمەت اتقارعان. ەڭ قىزىعى ول بۇل قىزمەتتەرگە دەيىن، ياعني 2003 -جىلى مەملەكەت مۇلكىن توناۋ بويىنشا مۇلكى تاركىلەنىپ، 5 جىلعا شارتتى تۇردە سوتتالعان بولاتىن.
ەسكە سالا كەتەيىك، ابىلاي مىرزامەتوۆ 2016 -جىلى 16-ماۋسىمدا «اتامەكەن» ۇلتتىق كاسىپكەرلەر پالاتاسىنىڭ باسقارما ءتوراعاسى بولىپ قايتا سايلانعان ەدى.
وتكەن جىلى 18-اقپاندا ابىلاي مىرزاحمەتوۆ «اتامەكەن» ۇ ك پ باسقارما ءتوراعالىعىنان ءوز ەركىمەن باس تارتتى.
«وڭىرلەردى ارالاپ، قولدان كەلگەنشە وزدەرىڭىزبەن بىرگە ءىس- ارەكەت ەتتىك. بۇگىنگى جيىندا پىكىرلەر اشىق ايتىلىپ جاتىر. ويلارىڭىز بەن ماسەلەلەردى ەركىن كوتەرىپ جاتىرسىزدار. بۇل پالاتانىڭ اياقتان تۇرعانىن بىلدىرەدى. قازىرگى ەلدەگى جاعداي بارشاڭىزعا ءمالىم. سوڭعى 1 ايدىڭ ىشىندە ءومىرىمىز ايتارلىقتاي وزگەردى. جاڭا قازاقستاندا ءومىر ءسۇرىپ جاتىرمىز. ال كاسىپكەرلەر - جاڭا قازاقستاندى دامىتۋداعى نەگىزگى كۇش. مەملەكەت باسشىسى دا كاسىپكەرلەرگە ۇلكەن ءۇمىت ارتىپ وتىر. بۇگىنگى كەزەكتەن تىس سەزدىڭ الدىندا باسقارما ءتوراعاسى قۇزىرەتىمدى تاپسىراتىنىمدى ايتقىم كەلىپ وتىر»، - دەگەن ەدى ابىلاي مىرزاحمەتوۆ قىزمەتىنەن باس تارتا وتىرىپ.
