استاناداعى جارمەڭكەدە بالالار تاۋارلارى 30 پايىز تومەن باعامەن ساتىلۋدا
بۇگىن كورمە - جارمەڭكەنى ق ر پرەمەر-ءمينيسترىنىڭ ورىنباسارى ەرالى توعجانوۆ تا ارالاپ كوردى.
قازىر ۇكىمەت تاپسىرماسىمەن بارلىق وڭىردە تومەندەتىلگەن باعامەن مەكتەپ جارمەڭكەلەرى، سونداي-اق مەكتەپ اۆتودۇكەندەرىنىڭ شالعاي اۋىلدارعا شىعۋى ۇيىمداستىرىلعان. ولاردىڭ العاشقىسى استاناداعى EXPO حالىقارالىق كورمە ورتالىعىنىڭ الاڭىندا وتۋدە.
«Kids EXPO. بالالار الەمى» - بۇل كىتاپ، كەڭسە، توقىما، ءبىلىم بەرۋ جانە ويىن-ساۋىق يندۋسترياسى وكىلدەرىن، بالالار مەن ولاردىڭ اتا-انالارىنا ارنالعان تاۋارلار مەن قىزمەتتەردى ءبىر الاڭدا بىرىكتىرۋگە مۇمكىندىك بەرگەن العاشقى ءىرى جوبا. مۇندا 5 كۇن ىشىندە وتاندىق تاۋار وندىرۋشىلەر، كومپانيالار مەن ءىرى برەندتەر اراسىنان 100 گە جۋىق قاتىسۋشى ءوز تاۋارلارىن ساتادى.
ۆيتسە-پرەمەر مۇنداي كورمە-جارمەڭكەلەر اتا-انالارعا بالالارىن الداعى وقۋ جىلىنا دايىنداۋ ءۇشىن وتە ىڭعايلى ەكەنىن، ۇسىنىلعان اسسورتيمەنت قولجەتىمدى باعامەن ساتىلىپ جاتقانىن اتاپ ءوتتى.
30 عا جۋىق كومپانيا ءوز ونىمدەرىن 30 پايىزعا دەيىن تومەن باعامەن ۇسىنۋدا.
جارمەڭكەدە مەكتەپ كەرەك-جاراقتارى مەن بالالار تاۋارلارىن ساتىپ الىپ قانا قويماي، ۋاقىتتى قىزىقتى وتكىزۋگە بولادى - بۇل ءۇشىن بالالارعا ارنالعان ارنايى ايماقتار مەن ويىن-ساۋىق ۇيىمداستىرىلعان. مۇندا 18 اقپاراتتىق، 22 مادەني جانە 22 سپورتتىق ءىس-شارا، سونداي-اق 20 ART شەبەرلىك ساباقتارىن وتكىزۋ جوسپارلانعان. ءىس-شارالاردىڭ جالپى سانى 80 نەن استام.
بالالار تاۋارلارىنىڭ « KIDS EXPO. بالالار الەمى» جارمەڭكەسىنىڭ ەكى كۇنىندە كەلۋشىلەر سانى 20 مىڭنان استام ادامدى قۇرادى. ۇيىمداستىرۋشىلار جارمەڭكەنى جىل سايىن وتكىزۋدى جوسپارلاپ وتىر.
كورمەمەن تانىسۋ بارىسىندا ەرالى توعجانوۆ مەملەكەتتىك ورگاندارعا بارلىق وڭىرلەردە وسىنداي فورماتتاعى جارمەڭكەلەر ۇيىمداستىرۋدى تاپسىردى.