11:17, 06 - شىلدە 2022 | GMT +6
سوت كاسپي قۇبىر كونسورتسيۋمىنىڭ قىزمەتىن 30 تاۋلىككە توقتاتتى
نۇر- سۇلتان. قازاقپارات - نوۆوروسسيسكىنىڭ پريمورسك اۋداندىق سوتى قۇجاتتىق زاڭ بۇزۋشىلىقتار ءۇشىن «ك ت ك- ر» كومپانياسىنىڭ قىزمەتىن 30 تاۋلىككە توقتاتتى، دەپ حابارلايدى قازاقپارات ءتىلشىسى رەسەيدىڭ ت ا س س اگەنتتىگىنە سىلتەمە جاساپ.
كاسپي قۇبىر كونسورتسيۋمى باسپا ءسوز قىزمەتىنىڭ حابارلاۋىنشا، سوت مۇنايدىڭ اپاتتىق جاعدايدا توگىلۋىن انىقتاعان. سوت شەشىمىمەن كەلىسپەيتىن كاسپي قۇبىر كونسورتسيۋمى قايتا شاعىمدانۋعا نيەتتى. «ك ت ك- ر» ا ق قىزمەتىن توقتاتا تۇرۋ بويىنشا قارسىلىقتاردى جىبەرۋ ماقساتىندا ءىستى قاراۋدى كەيىنگە شەگەرۋ تۋرالى ءوتىنىشتى سوت قاناعاتتاندىرۋسىز قالدىردى.
سوتتىڭ 2022 -جىلعى 5- شىلدەدەگى قاۋلىسىمەن روسترانسنادزوردىڭ تالاپتارى قاناعاتتاندىرىلدى: «ك ت ك- ر» ا ق قىزمەتىن 30 تاۋلىككە اكىمشىلىك نەگىزدە توقتاتا تۇرۋ تۇرىندەگى جازا تاعايىندالدى»، - دەپ حابارلادى كومپانيا.
بۇعان دەيىن كاسپي قۇبىر كونسورتسيۋمىنىڭ مۇناي تاسىمالدايتىن 2 قۇرىلعىسى جۇمىسىن ۋاقىتشا توقتاتقانى تۋرالى حابارلاعان ەدىك.
فوتو: tass.ru