گولوۆكيندى 30 نوكاۋتى بار بوكسشى جەكپە-جەككە شاقىردى

نۇر-سۇلتان. قازاقپارات - مەكسيكالىق بوكسشى حايمە مۋنگيا (38-0، 30 ك و) ورتا سالماقتا ونەر كورسەتەتىن قازاقستاندىق گەننادي گولوۆكيندى (41-1-1، 36 ك و) جەكپە-جەككە شاقىردى.

مۋنگيا گولوۆكينمەن 19- اقپان كۇنى دەمەتريۋس باللاردپەن (21-0-1، 13 ك و) وتەتىن ايقاستان كەيىن كەزدەسۋگە دايىن.

ال قازاقستاندىق بوكسشى بولسا وعان دەيىن جاپونيالىق ريوتا مۋراتامەن (16-2، 13 ك و) كەزدەسۋى كەرەك.

«گولوۆكين مەن مۋراتا اراسىنداعى ايقاستىڭ جەڭىمپازىمەن كەزدەسكىم كەلەدى. ەكەۋىنىڭ كەز- كەلگەنىمەن شىعۋعا دايىنمىن. سودان سوڭ چارلو، اندرادە نەمەسە كارلوس ادامەسمەن جەكپە-جەك وتكىزەمىن»، - دەدى مۋنگيا Un Round Mلs باسىلىمىنا بەرگەن سۇقباتىندا.

ايتا كەتەيىك، مۋنگيا بۇعان دەيىن ءبىرىنشى ورتا سالماقتا WBO چەمپيونى بولىپ، بەلبەۋىن بىرنەشە رەت قورعاعان. كەيىن ول 160 فۋنتقا، ياعني ورتا سالماققا كوتەرىلگەن. ول ءتىپتى وسى سالماقتا WBO بەلبەۋىنىڭ يەگەرى دەمەتريۋس اندرادەمەن كەزدەسۋگە ءۇمىتتى بولدى. الايدا بۇل بوكسشىلاردىڭ جولى توعىسپادى.