USD 424.84 EUR 453.6
RUB 7.3 CNY 63.91
جاڭالىقتار

پرەزيدەنت: بۇل - تاۋەلسىزدىكتىڭ 30 جىلىنداعى ەڭ اۋىر داعدارىس

10 قاڭتار 13:56
:ءبولىسۋ
پرەزيدەنت: بۇل - تاۋەلسىزدىكتىڭ 30 جىلىنداعى ەڭ اۋىر داعدارىس

نۇر-سۇلتان. قازاقپارات – ق ر پرەزيەنت قاسىم-جومارت توقايەۆ ۇجىمدىق قاۋىپسىزدىك تۋرالى شارت ۇيىمى (ۇ ق ش ۇ) ۇجىمدىق قاۋىپسىزدىك كەڭەسىنىڭ كەزەكتەن تىس سەسسياسىندا كەيىنگى كۇندەردەگى احۋالدى ەل تاريحىنداعى ەڭ اۋىر داعدارىسقا تەڭەدى، دەپ حابارلايدى قازاقپارات ءتىلشىسى.

«قۇرمەتتى ارىپتەستەر، كەزەكتەن تىس سامميتىمىزدى وتكىزۋ توتەنشە وقيعالارمەن بايلانىستى بولىپ وتىر. قاڭتاردىڭ بىرنەشە كۇنىندە قازاقستان اۋقىمدى داعدارىستى باسىنان وتكەردى. ول تاۋەلسىزدىك تاريحىنىڭ 30 جىلىنداعى ەڭ ۇلكەن، اۋىر داعدارىس بولدى. مۇنداي شىنايى قاتەردىڭ دەڭگەيىنە جالپى ءبىزدىڭ ۇيىم دا تاپ كەلىپ كورگەن ەمەس»، - دەدى مەملەكەت باسشىسى. ەسكە سالساق، ماڭعىستاۋ وبلىسىنداعى بەيبىت شەرۋدىڭ جالعاسى ءبىرقاتار وڭىردە جاپپاي تارتىپسىزدىككە ۇلاسىپ، ق ر پرەزيدەنتى قاسىم-جومارت توقايەۆ ۇجىمدىق قاۋىپسىزدىك تۋرالى شارت ۇيىمىنا مۇشە ەلدەردىڭ باسشىلارىنان تەررورلىق سىن-قاتەردى ەڭسەرۋ ءۇشىن كومەك سۇراعان بولاتىن. 10-قاڭتار كۇنى ق ر قورعانىس مينيسترلىگى مەن ۇ ق ش ۇ ۇجىمدىق بىتىمگەرشىلىك كۇشتەر قولباسشىلىعى مالىمدەمە جاسادى.

بۇگىن ق ر مەملەكەتتىك حاتشىسى ەرلان قارين ماڭعىستاۋ وبلىسىندا ۇ ق ش ۇ اسكەرى ورنالاسقان دەگەن اقپاراتتى جوققا شىعاردى. ونىڭ ايتۋىنشا، ۇ ق ش ۇ اسكەرى داعدارىس اياقتالعاننان كەيىن ەلدەرىنە قايتادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات