تاۋەلسىزدىكتىڭ 30 جىلدىعىنا ارنالعان «جىر جۇلدىزدارى» ءمۇشايراسى ءوتتى
«جانۋبي قوزوعيستون» رەداكسياسى ۇيىمداستىرعان ءمۇشايراعا وبلىس پەن شىمكەنت قالاسىنىڭ اقىندارى قاتىستى، دەپ حابارلايدى قازاقپارات ءتىلشىسى.
بايقاۋعا قاتىسۋشىلار ءتاۋ ەتكەن تاۋەلسىزدىگىمىز، ەلىمىزدىڭ ەركىندىگىن ءوز جىرلارىنا قوستى. دوستىق پەن ادامي قاسيەتتەر تۇرالى جازىلعان ولەڭدەرىن ۇسىندى. ەگەمەندىك العان جىلدارى جەتكەن جەتىستىكتەرىن جەتكىزدى. بارلىق قاتىسۋشىلاردىڭ ونەرىن ءادىل- قازىلار تارازىلاپ، بايقاۋ جەڭىمپازدارىن ديپلومدارمەن جانە باعالى سىيلىقتارمەن ماراپاتتادى.
وبلىستىق «قوعامدىق كەلىسىم» مەكەمەسىنىڭ باسشىسى ەلميرا جانعازيەۆا باس جۇلدەنى يەلەنگەن اقىندارعا باعالى سىيلىقتار تابىستادى. ءوز شىعارمالارىمەن كوپتىڭ ءىلتيپاتىنا يە بولعان قاتىسۋشىلار قازاقستان وزبەكتەرى «دۋستليك» قاۋىمداستىعىنىڭ «دۋستليك» مەدالىمەن ماراپاتتالدى. ەسكە سالايىق، بۇعان دەيىن تۇركىستان وبلىسىنىڭ سايرام اۋدانىندا «ماڭگىلىك ەل جىرلايدى» رەسپۋبليكالىق اقىندار ايتىسى ءوتتى.