USD 434.24 EUR 492.69
RUB 5.67 CNY 68.46
جاڭالىقتار

«مۇعالىمدەردىڭ جالاقىسى 30 پايىزعا قىسقارادى». ب ع م پىكىر ءبىلدىردى

6 جەلتوقسان 15:12
:ءبولىسۋ
«مۇعالىمدەردىڭ جالاقىسى 30 پايىزعا قىسقارادى». ب ع م پىكىر ءبىلدىردى

نۇر-سۇلتان. قازاقپارات - قازاقستاندىقتار WhatsApp مەسسەندجەرىندە جاڭا جىلدان باستاپ پەداگوگتاردىڭ ەڭبەكاقىسى قىسقاراتىنى تۋرالى اقپارات تاراتقان.

حابارلامادا 30 پايىز كولەمىندەگى جاڭارتىلعان باعدارلاما بويىنشا ساباق بەرگەنى ءۇشىن قوسىمشا تولەمدەر الىنىپ تاستالاتىنى ايتىلعان، - دەپ حابارلايدى Tengrinews.kz ءتىلشىسى StopFake.kz سايتىنا سىلتەمە جاساپ.

«جاڭا جىلدان باستاپ مۇعالىمدەردىڭ ەڭبەكاقىسى 25 پايىزعا كوتەرىلەدى. ءبىراق ولار جاڭارتۋ ءۇشىن سىياقىنى الىپ تاستايدى، ياعني 30 پايىزعا ازايادى»، - دەيدى حابارلاما اۆتورى.

ۆەدومستۆودا جاڭارتىلعان ءبىلىم بەرۋ مازمۇنى ءۇشىن قوسىمشا اقى بۇرىنعىداي تولەنەتىنىن اتاپ ءوتتى.

«جاڭارتىلعان ءبىلىم بەرۋ مازمۇنى ءۇشىن قوسىمشا اقى بۇرىنعىداي تولەنەدى. سونىمەن قاتار، كەلەسى جىلدىڭ قاڭتار ايىنان باستاپ مەملەكەت باسشىسى ق. توقايەۆتىڭ تاپسىرماسى بويىنشا پەداگوگتاردىڭ ەڭبەكاقىسى تاعى %25 كوتەرىلەتىنىن ەسكە سالامىز.

ايتا كەتەيىك، 2020 -جىلى پەداگوگتاردىڭ ەڭبەكاقىسى %25، 2021 -جىلى تاعى %25 ءوستى. بۇدان بولەك، پرەزيدەنتتىڭ قولداۋىنىڭ ارقاسىندا، بىلىكتىلىك ساناتى ءۇشىن قوسىمشا اقى %30-50 دەيىن ۇلعايتىلدى»، - دەپ حابارلادى ۆەدومستۆونىڭ باسپا ءسوز حاتشىسى ءمولدىر ابدۋاليەۆا.

سونداي-اق، ول مۇعالىمدەرگە داپتەرلەردى تەكسەرۋ جانە سىنىپ جەتەكشىلىگى ءۇشىن ۇستەمەاقىنى ەكى ەسەگە ارتتىرىلعانىن، تالىمگەرلىك ءۇشىن قوسىمشا اقى تولەۋ سىندى جاڭا سانات پايدا بولعانىن اتاپ ءوتتى. مينيسترلىك قازاقستاندىقتاردى تەك رەسمي اقپاراتقا عانا سەنۋگە جانە جەلىدە تاراعان قاۋەسەتتەرگە نازار اۋدارماۋعا شاقىردى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات