اتىراۋ وبلىسىندا 30 جىل بويى بوزداعىن كۇتكەن اناعا ەسكەرتكىش ورناتىلدى
اتىراۋ. قازاقپارات - اتىراۋ وبلىسىندا مايداننان ۇلىن كۇتكەن اناعا ەسكەرتكىش ورناتىلدى، دەپ حابارلايدى قازاقپارات.
ماقات اۋدانىنىڭ ورتالىعى - ماقات كەنتىندە بوي كوتەرگەن ەسكەرتكىشتە ەكىنشى دۇنيەجۇزىلىك سوعىسقا اتتانعان جالعىز ۇلىن 30 جىل بويى - سوڭعى دەمى قالعانشا كۇتكەن ءساندى دەڭگەلباي قىزىنىڭ بەينەسى سومدالعان.
«وتكەنسىز بولاشاق جوق. توعىز جولدىڭ تورابىنا ورنالاسقان ماقات كەنتىندە «بوزداعىن كۇتكەن انا» ەسكەرتكىشىن ورناتۋدىڭ وزىندىك ءمانى بار. بۇل ەسكەرتكىش - مايداننان ورالماعان جالعىزىنىڭ جولىن توسقان، جاقسى حابار كۇتۋمەن دۇنيەدەن ۇمىتپەن وتكەن انا رۋحىنا تاعزىمنىڭ كورىنىسى. وسى ەسكەرتكىشتەن انانىڭ قايتپاس قايسارلىعى مەن رۋحىنىڭ مىقتىلىعىن بايقاۋعا بولادى» - دەدى وبلىس اكىمى ماحامبەت دوسمۇحامبەتوۆ.
ماقات كەنتىندەگى تەمىرجول ۆوكزالىنىڭ الدىنا قويىلعان ەسكەرتكىشتىڭ بيىكتىگى - 4 مەتر. ەسكەرتكىشتىڭ ورناتىلۋىنا دەمەۋشىلەر قارجىلاي كومەك بەرگەن.
اۆتور: بەك مۇستافا
- نايزاعاي، بۇرشاق، داۋىل - 11 وڭىردە ەسكەرتۋ جاريالاندى
- پەتروپاۆلدا ماس كۇيدە كولىك جۇرگىزگەن ادام 4,5 جىلعا سوتتالدى
- الماتى- وسكەمەن تراسساسىنىڭ سۋ شايىپ كەتكەن بولىگىنىڭ تۇسىنان اينالما جول سالىندى
- سەمەيدە 29 باس جىلقىنى ايداپ كەتكەن ۇرى ۇستالدى
-
الماتى- وسكەمەن تاس جولىنداعى قۇبىرلى وتكەلدى شايىپ كەتۋ دەرەگىنە قاتىستى قىزمەتتىك تەكسەرۋ باستادى
-
شەكارانى زاڭسىز كەسىپ وتكەن شەتەل ازاماتى ىزدەستىرىلىپ جاتىر