USD 434.84 EUR 498.2
RUB 5.72 CNY 68.47
جاڭالىقتار

استانادا كۇنىنە 30 قاڭعىباس ءيت پەن مىسىق اۋلانادى

10 قاراشا 19:58
:ءبولىسۋ
استانادا كۇنىنە 30 قاڭعىباس ءيت پەن مىسىق اۋلانادى

نۇر-سۇلتان. قازاقپارات - نۇر-سۇلتان قالاسى اۋماعىندا كۇن سايىن 30 قاڭعىباس ءيت پەن مىسىق اۋلانادى.

بۇل تۋرالى قالالىق ورتا ساپاسى جانە باقىلاۋ باسقارماسىنىڭ باسشىسى داۋلەت دوسقۇلوۆ ءمالىم ەتتى، دەپ حابارلايدى قازاقپارات ءتىلشىسى.

«ەلوردانىڭ ۆەتەريناريا قىزمەتى كۇن سايىن شامامەن 30 قاڭعىباس ءيت پەن مىسىقتى اۋلايدى. جانە قاڭعىباس يتتەر مەن مىسىقتار كەلىپ تۇسكەن ءوتىنىش بويىنشا ۇستالادى. سول سياقتى بۇگىندە قالا اۋماعىندا يتتەر مەن مىسىقتاردى ۋاقىتشا ۇستايتىن 2 ورىن بار. ولار جەرگىلىكتى بيۋجەت ەسەبىنەن كۇن كورىپ وتىر. قالا اۋماعىندا اۋلانعان يتتەر مەن مىسىقتار ۋاقىتشا ورىندا 2 ايداي بولادى، ودان ءارى ءۇي جانۋارلارىنىڭ تاعدىرىمەن ۆولونتەرلەر اينالىسادى»، - دەدى داۋلەت دوسقۇلوۆ ەلوردا ءماسليحاتىنىڭ تۇراقتى كوميسسيا وتىرىسىندا.

وسى ورايدا اتالعان باسقارما 2022-جىلى قاڭعىباس ءيت پەن مىسىقتى اۋلاپ، كۇتىم جاساۋعا قالا بيۋجەتىنەن 178 ميلليون تەڭگە ءبولۋدى سۇراپ وتىر.

«جالپى ءبىز قاڭعىباس ءۇي جانۋارلارىنا قاتىستى ءبىراز ەلدەردىڭ تاجىريبەسىن زەردەلەپ كەلەمىز. تاياۋدا عانا بريجيت باردو جانۋارلاردى قورعاۋ قورىنىڭ جەتەكشىسى بريجيت ولۋا ەلورداعا ارنايى كەلدى. جۇزدەستىك، ماسەلەنى تالقىلادىق. تاجىريبە بار، جوسپار بار، ءبىز تەك ءۇي جانۋارلارىن قورعاۋ تۋرالى زاڭنىڭ قابىلدانۋىن كۇتىپ وتىرمىز. ەگەر جۋىردا زاڭ قابىلدانسا، وندا ءۇي جانۋارلارىن قورعاۋ مەن كۇتىم جاساۋعا ارنالعان جۇمىس جۇيەسى دە وزگەرەدى»، - دەيدى ول.

سونداي-اق، قالالىق ورتا ساپاسى جانە باقىلاۋ باسقارماسىنىڭ باسشىسى جابايى ءيت پەن مىسىقتاردىڭ ءبىر جەردە تۇراقتاماي، ۇنەمى كوشىپ-قونىپ جۇرەتىنىن ايتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات