كوروناۆيرۋس پەن پنيەۆمونيادان ءبىر كۇندە 30 ناۋقاس قايتىس بولدى

نۇر- سۇلتان. قازاقپارات - ق ر دەنساۋلىق ساقتاۋ مينيسترلىگى سوڭعى تاۋلىكتە كوروناۆيرۋستان كوز جۇمعاندار ستاتيستيكاسىن جاريالادى.

وعان سايكەس، 25-قازان كۇنى قازاقستان اۋماعىندا 26 ادام - كوروناۆيرۋستان، تاعى 4 سىرقات - پنيەۆمونيادان قايتقان. كوروناۆيرۋستان اجال قۇشقانداردىڭ ىشىندە ەڭ كوبى الماتى قالاسىندا - 10 ناۋقاس.

نۇر- سۇلتان قالاسىندا – 4، شىمكەنت قالاسى مەن سولتۇستىك قازاقستان وبلىسىندا – 3، پاۆلودار وبلىسىندا – 2، الماتى، شىعىس قازاقستان، باتىس قازاقستان جانە قاراعاندى وبلىستارىندا - ءبىر ادامنان كوز جۇمعان. تەك تۇركىستان، اقمولا، اتىراۋ، اقتوبە، قىزىلوردا، ماڭعىستاۋ، جامبىل جانە قوستاناي وبلىستارىندا عانا كوروناۆيرۋستان ءولىم- ءجىتىم بولعان جوق.