11:11, 05 - تامىز 2021 | GMT +6
استانادا جەدەل جاردەمنىڭ جول ءجۇرۋ ۋاقىتى %30 قىسقاردى
نۇر-سۇلتان. قازاقپارات - استانادا جەدەل جاردەم قىزمەتىنىڭ جول ءجۇرۋ ۋاقىتى %30 عا قىسقاردى، دەپ حابارلايدى قازاقپارات.
بۇل جايىندا City Transportation Systems كومپانياسى مالىمەت تاراتتى. وعان سەنسەك، «جاسىل ءدالىز» جوباسى ىسكە قوسىلعان ساتتەن باستاپ رەانيموبيلدەرگە 144 سۇيەمەلدەۋ جۇزەگە اسقان. ەستەرىڭىزگە سالا كەتەيىك، 2021 -جىلدىڭ ناۋرىز ايىنان باستاپ CTS ەلوردادا جەدەل جاردەم بريگادالارىن سۇيەمەلدەۋ جوباسىن جۇزەگە اسىرىپ جاتىر. رەانيموبيلدەردە ينتەللەكتۋالدى تاسىمالداۋ جۇيەسىن (ITS) بىرىكتىرىلەتىن ارنايى جابدىق ورناتىلعان. بۇل قوندىرعى كوشە قيىلىسىنا جاقىنداعاندا باعدارشاممەن بايلانىس ورناتىپ، جاسىل شام جانادى.