قازاقستاندىقتاردىڭ كولىك سالىعى بويىنشا قارىزى 30 ميلليارد تەڭگەدەن استى
قارىزدىڭ 26,8 ميلليارد تەڭگەسى قارىزدىڭ نەگىزگى سوماسى بولىپ تابىلادى. قالعان 3,8 ميلليارد تەڭگە ءوسىمپۇل ەسەپتەلگەن، دەپ حابارلادى ق ر ق م مەملەكەتتىك كىرىستەر كوميتەتى.
ەڭ ۇلكەن قارىز سوماسى الماتى قالاسىندا تىركەلگەن. وڭتۇستىك مەگاپوليستىڭ تۇرعىندارى كولىك سالىعى بويىنشا 6,1 ميلليارد تەڭگە بەرەشەك. ودان كەيىن الماتى وبلىسى كەلەدى. بۇل ايماقتاعى اۆتوكولىك يەلەرى 4,8 ميلليارد تەڭگە كولەمىندە سالىق تولەمەگەن. نۇر- سۇلتان قالاسى قارىز مولشەرى بويىنشا العاشقى ۇشتىكتە. ەلورداداعى اۆتوكولىك جۇرگىزۋشىلەرىنىڭ مەملەكەتكە 3 ميلليارد تەڭگەگە جۋىق قارىزى بار.
بورىشكەرلەر سانى بويىنشا انتيرەيتينگتى 165 مىڭنان استام ادام سالىق مىندەتتەمەلەرىن ورىنداماعان الماتى وبلىسى باستاپ وتىر. ەكىنشى ورىندا الماتى قالاسى. وندا بورىشكەرلەر سانى 107 مىڭنان اسادى. توپ-3 تۇركىستان وبلىسى دا كىرەدى - 104 مىڭ ادام. م ك ك سالىق كودەكسىنە سايكەس سالىق تولەۋ مەرزىمى اياقتالعاننان كەيىن مەرزىمى وتكەن ءار كۇن ءۇشىن ءوسىمپپۇل ەسەپتەلەتىنىن ەسكە سالادى.
سالىق تولەۋ ءۇشىن مەملەكەتتىك كىرىستەر ورگاندارىنا بارۋدىڭ قاجەتى جوق. «е-Salyq Azamat»
موبيلدى قوسىمشاسىن ورناتىپ، سالىق بويىنشا قارىز كولەمىن ءبىلىپ، ونلاين تولەۋ جەتكىلىكتى. سونداي- اق، قازاقستاندىقتار ەكىنشى دەڭگەيلى بانكتەردىڭ قوسىمشالارىن پايدالانا الادى.