پاراعا 30 قوي العان تۇركىستاندىق شەنەۋنىككە سوت ۇكىم شىعاردى
بۇل تۋرالى سىبايلاس جەمقورلىققا قارسى ءىس- قيمىل اگەنتتىگىنىڭ اسا ماڭىزدى ىستەر جونىندەگى تەرگەۋشىسى دانيار بەكايداروۆ Antikor ورتالىعىندا وتكەن بريفينگىدە ايتتى.
«شىمكەنت قالاسى ءال- فارابي اۋداندىق سوتىنىڭ ۇكىمىمەن تۇركىستان وبلىسىنىڭ ساۋلەت جانە قالا قۇرىلىسى باسقارماسىنا قاراستى ساۋلەت جانە جوبالار مەن نىسانداردىڭ سمەتالىق ەسەبىن دايىنداۋ ءبولىمىنىڭ باسشىسى ش. قوجامسۇگىروۆ الاياقتىق جاساعانى ءۇشىن مەملەكەتتىك قىزمەتتە جۇمىس ىستەۋ قۇقىعىنان ءومىر بويىنا ايىرىلا وتىرىپ، 15620000 تەڭگە مولشەرىندە ايىپپۇل سالىندى»، - دەدى اگەنتتىك وكىلى.
اتالعان شەنەۋنىك پاراعا 30 قوي الدى دەگەن كۇدىكپەن ۇستالعان. «ول شىمكەنت قالاسىنداعى تاشكەنت تاسجولىنىڭ بويىندا ورنالاسقان جەر ۋچاسكەسىنىڭ مەملەكەتتىك اكتىسىن الۋعا كومەكتەسكەنى ءۇشىن الاياقتىق جولمەن جالپى سوماسى 1200000 تەڭگە بولاتىن 30 قوي مەن 11000 تەڭگە سوماسىنداعى اقشالاي قاراجاتتى الدى دەگەن كۇدىككە ىلىنگەن»، - دانيار بەكايداروۆ.
اۆتور: ەسىمجان ناقتىباي