قازاقستان توكيو وليمپياداسىنا سپورتتىڭ 30 ءتۇرى بويىنشا قاتىسادى
«مەملەكەتتىڭ دوپينگكە قارسى ساياساتىن جەتىلدىرۋ ءىسى نازاردان تىس قالمايدى. دۇنيەجۇزىلىك دوپينگكە قارسى كودەكسىنىڭ بۇزۋشىلىقتارىن الدىن-الۋ جونىندەگى جۇمىستى ءارى جالعاستىرىپ، قازاقستاننىڭ دوپينگكە قارسى زەرتحاناسىنىڭ اككرەديتاتسياسىن قالپىنا كەلتىرۋ قاجەت. ۇلتتىق وليمپيادا كوميتەتىمەن بىرلەسىپ توكيودا وتەتىن جازعى وليمپيادا ويىندارىندا ۇلتتىق قۇراما كوماندالاردىڭ سپورتشىلارىن دايارلاۋ بويىنشا بەلسەندى جۇمىس جۇرگىزىلىپ جاتقانىن اتاپ وتكىم كەلەدى. الداعى توكيودا وتەتىن جازعى وليمپيادا ويىندارىندا ۇلتتىق قۇراما سپورتتىڭ 30 ءتۇرى بويىنشا قاتىسادى. بۇگىنگى تاڭدا سپورتتىڭ 18 تۇرىنەن 43 ليتسەنزيانى ۇلتتىق قۇراما سپورتشىلارى جەڭىپ الدى»، - دەدى مادەنيەت جانە سپورت ءمينيسترى اقتوتى رايىمقۇلوۆا مينيسترلىكتىڭ القا ماجىلىسىندە.
سونىمەن قاتار مينيسترلىك ەرەكشە قاجەتتىلىگى بار ازاماتتارىمىزدى سپورتتا قولداۋ ىسىنە ماڭىز بەرمەك. وسى ورايدا برازيليادا وتەتىن جازعى سۋردليمپيادالىق ويىندارعا قاتىسۋ ءۇشىن ەلىمىزدىڭ قۇراما كوماندالارىن قاتىسۋى ءۇشىن بارلىق ءتيىستى شارالار قابىلدانۋى قاجەت.