+7 (701) 759 90 19
-18 °С : نۇر-سۇلتان
1 °С : الماتى
USD 419.66 EUR 500.44
RUB 5.62 CNY 64.73
جاڭالىقتار

ماڭعىستاۋدا سوڭعى 30 جىلدا العاش رەت تورتەم دۇنيەگە كەلدى

20 قاڭتار 19:32
:ءبولىسۋ
ماڭعىستاۋدا سوڭعى 30 جىلدا العاش رەت تورتەم دۇنيەگە كەلدى

اقتاۋ. قازاقپارات - اقتاۋداعى انا مەن بالا ورتالىعىنىڭ ۇجىمى تورتەم مەن ونىڭ اناسىن سالتاناتتى تۇردە ۇيىنە شىعارىپ سالدى، دەپ حابارلايدى قازاقپارات ءتىلشىسى ماڭعىستاۋ وبلىسىنىڭ قوعامدىق كوممۋنيكاتسيا ورتالىعىنا سىلتەمە جاساپ.

اقتاۋ قالاسىنىڭ تۇرعىنى ساميرا گاسانوۆا 2020 -جىلدىڭ 15-جەلتوقسان كۇنى بوسانعان بولاتىن. جۇكتىلىك كەزەڭى اۋىر بولعاندىقتان دارىگەرلەر ايەلدى جۇكتىلىكتىڭ 30-شى اپتاسىندا وپەراتسيا جاساپ، بوساندىرىپ العان. 1 ۇل مەن 3 قىز دۇنيەگە كەلدى. 25 جاستاعى كەلىنشەك وسىلايشا بىردەن كوپبالالى انا اتاندى. سابيلەر - وتباسىنىڭ تۇڭعىشى.

«قۋانىشىمدى جاسىرا الماي تۇرمىن. اتا- انامىزدىڭ توبەسى كوككە جەتكەندەي بولدى. بالالارىمنىڭ امان- ەسەن جارىق دۇنيەگە كەلۋىنە سەبەپشى بولعان دارىگەرلەرگە وتباسىمنىڭ اتىنان العىسىمدى ايتامىن»، - دەيدى ساميرا گاسانوۆا. تورتەمدەردىڭ ءبىرى - 1 كەلى 390 گرام بولسا، ەڭ كىشىسىنىڭ سالماعى - 1 كەلى 190 گرام شاقالاقتار كۇش جيناعانشا 36 كۇن بويى پەريناتالدىق ورتالىق دارىگەرلەرىنىڭ ءجىتى باقىلاۋىندا بولدى. اناسىنىڭ دا، بالالارىنىڭ دا دەنساۋلىعى جاقسى دەيدى دارىگەرلەر. اتا- اناسى نارەستەلەردى راسۋل، فانارا، ايلا جانە نارين دەپ اتادى.

«بىلتىر ءبىزدىڭ ورتالىقتا 8610 بالا جارىق دۇنيە ەسىگىن اشتى. ونىڭ ىشىندە 2 ۇشەم مەن 147 ەگىز بالا دۇنيەگە كەلگەن»، - دەدى ماڭعىستاۋ وبلىستىق انا پەريناتالدىق ورتالىعىنىڭ دارىگەر نەانوتولوگى تويدىق جۇماعامبەتوۆا.

ماڭعىستاۋ وبلىسى بالا تۋۋ كورسەتكىشىنەن رەسپۋبليكا بويىنشا سوڭعى 3 جىل بويى كوش باسىندا كەلەدى. بىلتىر ايماقتا 21753 ءسابي دۇنيەگە كەلگەن.


اۆتور: قاراكوز مارات



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات