كوروناۆيرۋسقا شالدىققان 30 ناۋقاستىڭ جاعدايى اۋىر - مينيسترلىك

نۇر-سۇلتان. قازاقپارات - قازاقستاندا 13444 ناۋقاس كوروناۆيرۋستان ەمدەلۋىن جالعاستىرۋدا، دەپ حابارلايدى قازاقپارات.

«1-جەلتوقسانداعى مالىمەتكە سايكەس، قازىرگى ۋاقىتتا كوروناۆيرۋس ينفەكتسياسىنان 13444 ادام ەم قابىلداۋىن جالعاستىرۋدا. ولاردىڭ اراسىندا 912 بالا بار. ستاتسيونارلاردا 3586 ناۋقاس جاتىر.

9858 ادام امبۋلاتوريالىق جاعدايدا ەمدەلۋدە. جالپى ناۋقاستاردىڭ اراسىندا 232 ادامنىڭ جاعدايى ناشار. سونىڭ ىشىندە 30 ناۋقاستىڭ حالى اسا قاتتى اۋىر دەپ باعالانۋدا.31 ناۋقاس وكپەنى جاساندى جەلدەتۋ اپپاراتىنا قوسىلعان»، - دەلىنگەن ق ر دەنساۋلىق ساقتاۋ مينيسترلىگىنىڭ اقپاراتىندا.

بۇگىنگە دەيىن كوروناۆيرۋس ينفەكتسياسى بارلىعى 132348 ادامنان انىقتالدى. ونىڭ ىشىندە 116863 ناۋقاس جازىلىپ شىقتى، 1990 ادام قايتىس بولدى.