+7 (701) 759 90 19
-7 °С : نۇر-سۇلتان
-10 °С : الماتى
USD 425.59 EUR 505.43
RUB 5.61 CNY 64.83
جاڭالىقتار

پرەزيدەنت ءتارتىپ ساقشىلارىنىڭ ەڭبەكاقىسىن 30 پايىزعا كوتەرۋدى تاپسىردى

29 قازان 16:01
:ءبولىسۋ
پرەزيدەنت ءتارتىپ ساقشىلارىنىڭ ەڭبەكاقىسىن 30 پايىزعا كوتەرۋدى تاپسىردى

نۇر- سۇلتان. قازاقپارات - ىشكى ىستەر ورگاندارىنىڭ قىزمەتكەرلەرىنە سىياقى تولەۋگە جىل سوڭىنا دەيىن تاعى دا 11,5 ميلليارد تەڭگە بەرىلەدى.

بۇل تۋرالى ىشكى ىستەر مينيسترلىگىنىڭ كەڭەيتىلگەن القا ماجىلىسىندە مەملەكەت باسشىسى قاسىم- جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.

ۆەدومستۆونىڭ القا ماجىلىسىندە قاسىم- جومارت توقايەۆ ىشكى ىستەر سالاسى قىزمەتكەرلەرىنىڭ ەڭبەكاقىسى تومەن ەكەنىن ايتتى. بۇل كوپتەن بەرى قوردالانعان ماسەلەلەردى ءبىرى. وسىعان وراي ول ۇكىمەتكە 3 جىلدىڭ ىشىندە ءتارتىپ ساقشىلارىنىڭ ەڭبەكاقىسىن 30 پايىزعا كوتەرۋ تۋرالى تاپسىرما بەردى. پرەزيدەنت بارلىق مەملەكەتتىك باسقارۋ جۇيەسىنە ۇلكەن سىناق بولعان COVID-19 پاندەمياسى كەزىندە پوليتسيا قىزمەتكەرلەرىنىڭ ەرەكشە ەڭبەگىن اتاپ ءوتتى.

«قازىرگى جاعدايدا دارىگەرلەرمەن قاتار العى شەپتە پوليتسيا قىزمەتكەرلەرى دە ءجۇر. ويتكەنى ازاماتتاردىڭ قاۋىپسىزدىگى عانا ەمەس، ولاردىڭ دەنساۋلىعى مەن بەرەكەلى ءومىرى سىزدەردىڭ جۇمىستارىڭىزعا تىكەلەي بايلانىستى. سوندىقتان بۇگىنگىدەي كۇردەلى جاعدايدا مەملەكەت ىندەتكە قارسى تۇرعانداردىڭ بارلىعىن قولدايدى. مەنىڭ تاپسىرمام بويىنشا پاندەميانىڭ ءبىرىنشى كەزەڭىندە كارانتين شارالارىن قامتاماسىز ەتۋگە قاتىسقان ىشكى ىستەر ورگاندارىنىڭ قىزمەتكەرلەرىنە سىياقى تولەۋگە 6,6 ميلليارد تەڭگە ءبولىندى. جىل سوڭىنا دەيىن تاعى دا 11,5 ميلليارد تەڭگە بەرىلەدى»، - دەدى مەملەكەت باسشىسى.

پرەزيدەنت ءسوز سوڭىندا جوعارىدا اتالعان مىندەتتەردى تولىق ورىنداۋ قاجەت ەكەنىن ايتىپ، ءى ءى م بۇل جۇمىستى ابىرويمەن اتقاراتىنىنا سەنىم ءبىلدىردى. بۇدان بۇرىن حابارلانعانداي، القا ماجىلىسىندە پرەزيدەنت قازاقستان تاۋەلسىزدىگىنىڭ 30 جىلدىعىنا وراي، زاڭعا سايكەس، ازاماتتارعا جانە جالپى مەملەكەتكە قاۋىپ كەلتىرمەيتىن قىلمىس جاساعان ادامدارعا امنيستيا جاسالاتىنىن جەتكىزدى.

اۆتور: رۋسلان عابباسوۆ


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات