تاۋەلسىزدىكتىڭ 30 جىلدىعىن تويلايتىن ۋاقىت ەمەس - توقايەۆ
«كەلەسى جىل - تاۋەلسىزدىگىمىزدىڭ 30 جىلدىعى، ول ەكونوميكالىق جانە ساياسي رەفورمالار، سيفرلاندىرۋ، ادامداردىڭ قۇقىقتارىن قورعاۋ، دەنساۋلىق ساقتاۋ مەن ءبىلىم بەرۋدى دامىتۋ، ەكولوگيانى قورعاۋ بەلگىسىمەن ءوتۋى ءتيىس.
قازىر وسى ماڭىزدى تاريحي كۇنگە وراي كوپتەگەن سالتاناتتى ءىس-شارا وتكىزەتىن ۋاقىت ەمەس، ءىستى ۇزاق ۋاقىتقا قالدىرماي، ءبىز ەڭ قىسقا مەرزىمدە ناقتى ناتيجەلەرگە قول جەتكىزۋگە مىندەتتىمىز»، - دەدى مەملەكەت باسشىسى ۇلتتىق قوعامدىق سەنىم كەڭەسىنىڭ ءتورتىنشى وتىرىسىندا.
«بۇل جىل ءالى اياقتالعان جوق. ءبىراق قازىردىڭ وزىندە ول بۇكىل ادامزات تاريحىندا ەرەكشە بولدى دەپ ايتۋعا بولادى. الەم كۇردەلى كەزەڭدى باستان كەشىپ جاتىر. كوروناۆيرۋس پاندەمياسى حالىقارالىق قاتىناستارداعى كوپتەگەن پروبلەمانى كورسەتتى، ەكونوميكالىق ءوزارا ءىس-قيمىلدىڭ بەلگىلەنگەن قاعيدالارىن قايتا قاراۋعا اكەلدى، جاڭا الەۋمەتتىك ۇردىستەردىڭ نەگىزىن قالادى جانە تەحنولوگيالىق يننوۆاتسيالاردى وزەكتەندىردى»، - دەدى توقايەۆ.