سولتۇستىك قازاقستاندا 30 وقۋشىدان كوروناۆيرۋس انىقتالدى

None
None
پەتروپاۆل. قازاقپارات - سولتۇستىك قازاقستان وبلىسىندا جاڭا وقۋ جىلى باستالعالى 30 وقۋشىدان كوروناۆيرۋس ينفەكسياسى انىقتالدى، دەپ حابارلايدى قازاقپارات ءتىلشىسى.

س ق و تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى مەديتسينالىق كومەكتىڭ ساپاسى مەن تاۋەكەلدەرىن باعالاۋ ءبولىمىنىڭ باسشىسى ارمان كۇشباسوۆ بريفينگىدە 30 وقۋشى كوروناۆيرۋسپەن اۋىرعانىن اتاپ ءوتتى.

«15 بالا كەزەكشى سىنىپتارعا بارعان، قالعان 15 ى قاشىقتان ءبىلىم الادى. ولاردىڭ بارلىعى، سونىمەن بىرگە بالالارمەن بايلانىستا بولعاندار تەكسەرىلدى. وقۋشىلار اراسىندا سىنىبىمەن اۋىرعاندار جوق. كەزەكشى سىنىپتار كارانتينگە جابىلعان جوق»، - دەيدى ارمان كۇشباسوۆ.

ماماننىڭ ايتۋىنشا، ۇجىمدا، سونىڭ ىشىندە بالاباقشا توبىندا ك ۆ ي جۇقتىرۋ انىقتالعان جاعدايدا، ونىمەن جاقىن بايلانىستا بولعانداردىڭ بارلىعى تەكسەرىلەدى.

«بالاباقشادا تاربيەشى مەن كۇتۋشىدەن باسقا ەشكىمنىڭ توپقا كىرۋگە قۇقى جوق. جۇقتىرعان ادام انىقتالعان جاعدايدا، بارلىعى كارانتينگە كەتەدى. جاقىن بايلانىستا بولعاندار ءبىرى قالماي تەكسەرىلەدى. بالاباقشادا بولسا توپتىڭ تاربيەلەنۋشىلەرى، كۇتۋشى، تاربيەشى جانە بالالاردىڭ اتا-انالارى دا تەكسەرىلەدى»، - دەيدى سانيتاريالىق دارىگەر.

سوڭعى جاڭالىقتار