+7 (701) 759 90 19
0 °С : نۇر-سۇلتان
4 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

قاتەرلى ىسىككە شالدىققان ءبىر ناۋقاستى ەمدەۋگە جىلىنا 30 ميلليون تەڭگە جۇمسالادى

15 قىركۇيەك 17:51
:ءبولىسۋ
قاتەرلى ىسىككە شالدىققان ءبىر ناۋقاستى ەمدەۋگە جىلىنا 30 ميلليون تەڭگە جۇمسالادى

نۇر-سۇلتان. قازاقپارات - قاتەرلى ىسىكتىڭ اسقىنعان تۇرىمەن اۋىراتىن ءبىر ناۋقاستى ەمدەۋ ءۇشىن جىلىنا 30 30 ميلليون تەڭگەدەن استام قاراجات جۇمسالادى.

بۇل تۋرالى دۇنيەجۇزىلىك ليمفومالارمەن كۇرەس كۇنىنە وراي قازاقپارات تىلشىسىنە سۇحبات بەرگەن نۇر- سۇلتان قالاسى اكىمدىگى كوپسالالى مەديتسينا ورتالىعىنىڭ ديرەكتورى مۇحتار تولەۋتايەۆ مالىمدەدى.

«ونكولوگيانىڭ 3، 4- ساتىسىنداعى ءبىر ناۋقاستى ەمدەۋ ءۇشىن جىلىنا 30 30 ميلليون تەڭگەدەن استام قاراجات جۇمسالادى. بۇل ءبىزدىڭ ەمدەۋ مەكەمەسى ءۇشىن وتە اۋىر. بۇعان قوسا، اسقىنعان تۇردەگى ىسىك دەرتىنەن تولىق ساۋىعىپ كەتۋ مۇمكىندىگى از»، - دەدى نۇر- سۇلتان قالاسى اكىمدىگى كوپسالالى مەديتسينا ورتالىعىنىڭ ديرەكتورى مۇحتار تولەۋتايەۆ.

سونداي- اق، مۇحتار ەسەنجان ۇلى ەمدەلۋ ءۇشىن ەۋروپا ەلدەرىنە باراتىن ازاماتتار سانى جىل سايىن ارتىپ كەلە جاتقانىن مالىمدەدى.

«ءبىزدىڭ سانامىزدا «شەتەلدە ءبارى جاقسى» دەگەن ۇعىم قالىپتاسىپ قالعان. وعان قوسا، وبىر اۋرۋىن بيزنەستىڭ كوزىنە اينالدىرعاندار بار. ماسەلەن، قازىر ەۋروپادا جاقسى ەم كورسەتەدى، تەز ساۋىعىپ كەتۋگە مۇمكىندىك مول دەگەن جارنامالار كوپ. وسىنداي اقپاراتقا سەنىپ، وزگە جاققا كەتەتىندەر از ەمەس. وتاندىق مەديتسينا ولاردان كەم تۇسپەيدى جانە ق ر كەز كەلگەن ازاماتى تەگىن، مەملەكەت ەسەبىنەن ەمدەلەدى. ال شەتەلگە بارىپ، ەم العان ازامات ەڭ كەمىندە 50-60 مىڭ ا ق ش دوللارىن جۇمسايدى»، - دەپ مالىمدەدى مۇحتار تولەۋتايەۆ.

بۇدان وزگە، ونكولوگ- دارىگەر قاتەرلى ىسىكپەن اۋىرىپ، وعان قوسا كوروناۆيرۋس جۇقتىرعان ناۋقاستار تۋرالى دەرەكتى ءبولىستى.

«وسى ۋاقىتقا دەيىن قاتەرلى ىسىكپەن اۋىراتىن 200-گە جۋىق ازامات كوروناۆيرۋس جۇقتىردى. ينفەكسيانىڭ كەسىرىنەن 14 ناۋقاس كوز جۇمدى. ولار ونكولوگيانىڭ 3، 4- ساتىسىنداعى ادامدار. اۋىر جاعدايدا جاتقان ازاماتتاردىڭ اۋرۋىن كوروناۆيرۋس ودان سايىن ءورشىتىپ جىبەردى. ال 180-گە جۋىق ادام قاجەتتى ەمىن الىپ، قازىرگى تاڭدا ۇيىنە ورالدى»، - دەدى دارىگەر.

مۇحتار تولەۋتايەۆتىڭ ايتۋىنشا، قازاقستاندىقتار العاشقى اۋرۋ بەلگىلەرى پايدا بولعاندا دارىگەردىڭ كومەگىنە جۇگىنبەيدى. جىل سايىن ۇيىمداستىرىلاتىن سكرينينگتەن وتۋگە دە كوپشىلىگى كەلمەيتىن كورىنەدى.

«قالىپتى جاعدايدا بۇرىن- سوڭدى بولماعان اۋرۋ بەلگىلەرى پايدا بولسا، بىردەن دارىگەردىڭ كومەگىنە جۇگىنگەن ابزال. ول وبىردىڭ 1، 2- ساتىلارىندا دياگنوز قويىپ، ەم- دوم شارالارىنا كىرىسىپ كەتۋگە مۇمكىندىك بەرەدى. ال ءبىزدىڭ ازاماتتار دەرتىن اسقىندىرىپ، امالى قالماعان كەزدە كەلەدى. بۇدان بولەك، وبىردىڭ باسقا دا اۋرۋلار سياقتى ۇنەمى مۋتاتسياعا ءتۇسىپ وتىراتىنىن ەسكەرگەن ءجون. ىسىك اعزادا دامىعاندىقتان، وندا بارلىق ادام بويىنداعى كلەتكالار ورنالاسادى. ىسىك ءجيى مۋتاتسياعا ۇشىراعاندىقتان، ءدارى- دارمەككە تەز بەيىمدەلەدى. ياعني، قولدانىلىپ جۇرگەن ءدارى از ۋاقىتتان سوڭ اسەر ەتپەي قالۋى مۇمكىن. سوندىقتان ونىڭ وزگەرگەن ءتۇرىن ارنايى تاسىلدەرمەن انىقتاپ، ءارى قاراي اۋىر ءدارى قولدانۋعا تۋرا كەلەدى»، - دەيدى ونكولوگ- دارىگەر مۇحتار ەسەنجان ۇلى.

مۇحتار تولەۋتايەۆتىڭ مالىمەتىنشە، بيىلعى 1- قاڭتارداعى جاعداي بويىنشا 187 مىڭنان استام قازاقستاندىق قاتەرلى ىسىككە شالدىققان. ياعني، ءاربىر 100 مىڭ ادامنىڭ 76-سىندا وبىر بار. ال اتالعان دەرتتەن 2019 -جىلى قازا بولعاندار سانى - 14145 ادام.

اۆتور: ءاليحان اسقار ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات