قازاقستاندا 30-ماۋسىمنان باستاپ كارانتين كۇشەيەتىنى تۋرالى اقپارات راس پا
دەنساۋلىق ساقتاۋ مينيسترلىگى وسىنداي اقپارات تاراتتى، دەپ حابارلايدى قازاقپارات ءتىلشىسى. «الەۋمەتتىك جەلىلەردە ۆەدومستۆوارالىق كوميسسيا قازاقستاندا 2020 -جىلدىڭ 30-ماۋسىمى ساعات 00.01-دەن باستاپ بەلگىلى ءبىر ۋاقىت ىشىندە شەكتەۋ شارالارى كۇشەيتىلەتىنى جايلى اقپارات تاراپ ءجۇر. بۇل اقپارات دۇرىس ەمەس. شەكتەۋ شارالارى تۋرالى تۇپكىلىكتى شەشىمدى مەملەكەت باسشىسىنىڭ تاپسىرماسىنا سايكەس پرەمەر-ءمينيستردىڭ توراعالىعىمەن مەملەكەتتىك كوميسسيا قابىلدايدى» دەلىنگەن ۆەدومستۆو تاراتقان مالىمەتتە.
دەنساۋلىق ساقتاۋ مينيسترلىگى قازاقستاندا جالعان اقپارات تاراتقانى ءۇشىن جاۋاپكەرشىلىك قاراستىرىلعانىن ەسكەرتى. ەسكە سالا كەتسەك، ۇكىمەت 2 كۇننىڭ ىشىندە وسى جىلدىڭ ناۋرىز- مامىر ايىنداعىداي قاتاڭ كارانتين شارالارىن ەنگىزۋ بويىنشا ۇسىنىس ازىرلەۋى ءتيىس.
بۇل تاپسىرمانى كوروناۆيرۋس ىندەتىنىڭ تارالۋىنا قارسى شارالار قابىلداۋ جونىندەگى كەڭەس بارىسىندا ق ر پرەزيدەنتى قاسىم-جومارت توقايەۆ بەرگەن ەدى. ءوز تاراپىنان دەنساۋلىق ساقتاۋ ءمينيسترى قاتاڭ كارانتين بويىنشا تۇپكىلىكتى شەشىم جاقىندا قابىلداناتىنىن حابارلاعان بولاتىن.