ءۇندىستان تۇرعىندارى 30 جىلدا العاش رەت گيمالاي تاۋىنىڭ شىڭىن كورە الدى

نۇر-سۇلتان.قازاقپارات - كوروناۆيرۋس پاندەمياسىنىڭ ءورشۋى كەزىندە ءۇندىستاننىڭ سولتۇستىگىندەگى پەندجاب شتاتىنىڭ تۇرعىندارى ءبىرىنشى رەت گيمالاي تاۋىنىڭ شىڭىن انىق كورە الدى.

جەرگىلىكتى تۇرعىندار ونداعان جىلدار بويى تاۋ باسىن كورۋگە مۇمكىندىك بولمادى دەپ، گيمالاي تۇسىرىلگەن سۋرەتتەردى جاپپاي الەۋمەتتىك جەلىلەردە تاراتۋدا.

«30 -جىلدا العاشقى رەت گيمالايدىڭ شىڭىن كورىپ تۇرمىن. اۋا قاباتى تازارعاندىقتان تاۋدى كورە الاتىن جاعدايعا جەتتىك. قانداي تاماشا»، - دەپ جازىپتى جەلى قولدانۋشىسى.

ايتا كەتەرلىك جايت، 22 - ناۋرىزدان باستاپ ءۇندىستاندا قاتاڭ كارانتين رەجيمى جاريالانعان. ايماقتارداعى ءوندىرىس ورىندارىنىڭ جۇمىسى توقتاپ، كولەكتەر سيرەي باستاعان سوڭ اۋانىڭ تازارعانى بايقالعان. ءۇندىستاننىڭ ورتالىق كەڭەسى كارانتين جاريالانعاننان بەرى ەلدەگى اتموسفەرا 44 پايىزعا تازارعانىن ءمالىم ەتتى. ءبىر اپتا ىشىندە 85 قالانىڭ ەكولوگيالىق جاعدايى جاقسارعان.