كوروناۆيرۋس: قىلمىس 30 پايىزعا تومەندەدى

None
None
بريۋسسەل. قازاقپارات - بەلگيادا COVID-19 كوروناۆيرۋس پاندەمياسىنا بايلانىستى ەنگىزىلگەن شارالار قىلمىستىڭ ەداۋىر تومەندەۋىنە ىقپال ەتتى، دەپ حابارلايدى قازاقپارات مەنشىكتى ءتىلشىسى De Tijd گازەتىنە سىلتەمە جاساپ.

«قىلمىس ايتارلىقتاي از جاسالىنىپ جاتىر. بىزدە ازىرگە ناقتى ساندار جوق، ءبىراق 30 پايىزعا قىسقاردى. قىلمىستىڭ ازايىپ جاتقانىن كورىپ وتىرمىز»، - دەپ جازدى باسىلىم پوليتسياعا سىلتەمە جاساپ.

سونداي-اق، ۇرلىق جاساۋ، بوس تۇرعان كەڭسەلەردى، جابىق دۇكەندەر مەن قۇرىلىس الاڭدارىن توناۋ ءىسى بايقالمادى.

سۋديالار ەسىرتكى مەن كوشەدەگى بۇزاقىلىققا بايلانىستى قىلمىسكەرلەردىڭ از ۇستالىپ جاتقانىن اتاپ ءوتتى.

پوليتسيا قىلمىس دەڭگەيىنىڭ تومەندەۋىنە بايلانىستى قىزمەتكەرلەردى كوروناۆيرۋسقا قارسى قابىلدانعان قاتاڭ شارالار اياسىندا پروفيلاكتيكالىق ءىس-ارەكەتتەردى جۇرگىزۋگە باعىتتاپ جاتىر.

تۇرعىندار اراسىندا ۇكىمەتتىڭ نۇسقاۋلىعىنا مويىنسۇنعىسى كەلمەيتىن ادامدار ءالى دە بارشىلىق.

سوڭعى جاڭالىقتار