شەتەلدىكتەر قازاقستاندا 30 كۇن تىركەۋسىز جۇرە الادى

نۇر- سۇلتان. قازاقپارات – ق ر ىشكى ىستەر مينيسترلىگى مۇددەلى مەملەكەتتىك ورگاندارمەن بىرلەسىپ، ەلگە كەلگەن شەتەلدىكتەردى تىركەۋ ءتارتىبىن جاسادى، دەپ حابارلايدى قازاقپارات.

«ءى ءى م ەلىمىزدە 30 كۇنگە دەيىن بولاتىن شەتەلدىك ازاماتتاردىڭ بارلىق ساناتى ءۇشىن ۋاقىتشا تىركەۋدى الىپ تاستايدى. ءتيىستى زاڭعا مەملەكەت باسشىسى قاسىم- جومارت توقايەۆ قول قويدى. «قىلمىستىق، قىلمىستىق- پروتسەسۋالدىق زاڭنامالاردى جەتىلدىرۋ جانە جەكە تۇلعالاردىڭ قۇقىعىن قورعاۋدى كۇشەيتۋ ماسەلەلەرى بويىنشا كەيبىر زاڭ اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭ ب ا ق- تا جاريالانعاننان كەيىن 10 كۇننەن سوڭ كۇشىنە ەنەدى»، - دەپ اتاپ وتەدى مينيسترلىكتەن.

ۆەدومستۆو مالىمەتىنشە، قابىلداۋشى تاراپ كوشى- قون قىزمەتىن شەتەلدىك قوناقتىڭ كەلگەنى جونىندە ول ەلگە كەلگەن كۇننەن باستاپ 3 جۇمىس كۇنى ىشىندە حاباردار ەتۋى ءتيىس. بۇگىنگى كۇنى شەتەلدىكتىڭ قازاقستاندا بولۋى تۋرالى حابارلاۋ ءراسىمى بارىنشا جەڭىلدەتىلگەن جانە كوشى- قون قىزمەتىنىڭ بولىمدەرىنە بارۋدى تالاپ ەتپەيدى. قابىلداۋشى تاراپ ۆيزالىق- كوشى- قون پورتالىنا (www.vmp.gov.kz) كىرىپ، شەتەلدىك تۋرالى جانە قاجەت بولعان جاعدايدا ونىڭ بالالارى تۋرالى مالىمەتتەردى تولتىرۋى، تولتىرىلعان ءوتىنىم نىسانىنا ە ت س ق كومەگىمەن قول قويۋى، 15 مينۋتتان كەيىن جەكە كابينەتتە ساقتالاتىن دايىن قۇجاتتى الۋى قاجەت.

«بۇل قىزمەت تەگىن كورسەتىلەدى جانە ونى ىشكى ىستەر مينيسترلىگى 2014 -جىلدان باستاپ ۇسىنىپ كەلەدى. بيىل بۇل قىزمەتتى 250 قوناق ءۇي پايدالانىپ،  110000 شەتەلدىكتىڭ بولعانى تۋرالى مالىمەت بەردى. شەتەلدىك ازامات قازاقستان اۋماعىندا 30 تاۋلىكتەن ارتىق بولعان كەزدە قابىلداۋشى تاراپ (قوناق ۇيلەر، حوستەلدەر، جالعا بەرىلەتىن پاتەرلەر، ەمدەۋ- الدىن الۋ مەكەمەلەرى جانە باسقا دا زاڭدى جانە جەكە تۇلعالار) مەيمانعا ۋاقىتشا بولۋعا رۇقسات رەسىمدەۋگە مىندەتتى»، - دەلىنگەن مينيسترلىك تاراتقان اقپاراتتا.

اۆتور: مارلان جيەمباي